Foto: Tengrinews.kz
Memleket basshysy Qasym-Jomart Toqaev "ArselorMittal Temirtaý" kásipornyndaǵy apattardyń júieli sipat alǵanyn aitty, - dep habarlaidy "Ult aqparat" Aqordanyń baspasóz qyzmetine silteme jasap.
"Osy oraida, taǵy bir mańyzdy másele – eńbek qaýipsizdigi. Ótken aptada Qaraǵandy oblysyndaǵy shahtada jarylys bolyp, 5 adam qaza tapty. Birneshe adam jaralandy.
Men marqumdardyń jaqyndaryna kóńil aitamyn. Olardyń otbasylaryna tiisti kómek kórsetý týraly tapsyrma berdim. Jaraqat alǵan azamattardyń tezirek saýyǵyp ketýin tileimin.
Ókinishke qarai, «ArselorMittal Temirtaý» kásipornynda apattar jiilep, qaitalana beretin jaǵdaiǵa jetti. Bul – biyl adam ólimine alyp kelgen ekinshi qaiǵyly oqiǵa. 2006 jyldan beri metallýrgiia kombinatynda 20-dan astam apat bolyp, 100-den asa azamat qaza tapty" - dedi Prezident.
Qasym-Jomart Toqaevtyń aitýynsha, memlekettik organdar tarapynan birneshe ret eskertý jasalǵanyna qaramastan, jaǵdai jaqsarmai otyr.
"Osyǵan orai jedel túrde qatań sharalar qabyldaýǵa týra keledi. Men bul jóninde jýyrda Qaraǵandyda sóilegen sózimde eskerttim. Kásiporynǵa keshendi tekserý júrgizý kerek. Sonyń ishinde eńbek qaýipsizdigi men barlyq ekologiialyq norma talaptarynyń saqtalýyna mán berilýge tiis.
Kombinattyń iesi tehnikalyq jaǵdaidy jaqsartýǵa jáne jańǵyrtýǵa jetkilikti dárejede investitsiia quiǵanyn anyqtaý mańyzdy. Bálkim, bul jumysqa zaýyttyń jaǵdaiyna shynaiy baǵa beretin halyqaralyq kompaniiany tartý kerek shyǵar. Mundai qaiǵyly jaǵdai qaitalanbaýy úshin barlyq qajet sharany qabyldaý kerek. Eń bastysy – azamattarymyzdyń densaýlyǵy men ómiri" - dedi Memleket basshysy.
