Kásiporyndar qaldyqtarynyń quramynda ýly zattar joq ekenin dáleldeýi kerek. Elordada «Qazaqstannyń qaldyqtardy qaita óńdeý strategiiasy» taqyrybynda ótken forýmda Frantsiia-Qazaqstan saýda-ónerkásip palatasynyń prezidenti Jerar Fries osylai málim etti, dep habarlaidy QazAqparat.
«Kásiporyndar qaldyqtarynyń quramynda ýly zattar joq ekendigin dáleldeýi kerek. Plastikti órtegen kezde qorshaǵan orta úshin óte qaýipti bolyp sanalatyn dioksid bólinip shyǵady. Mundai protsesster zań júzinde retteledi, sondyqtan óndiristik kásiporyndar qaldyqtardy qaita óńdeýmen ainalysqan kezde úlken jaýapkershilik júkteledi. Olar qaldyqty óńdeýge qatysty ekonomikalyq tuǵyda qyzyǵýshylyq tanytpaityny sózsiz, degenmen olai etpegen jaǵdaida kásirorynnyń bedeline nuqsan keledi», - deidi Frantsiia-Qazaqstan saýda-ónerkásip palatasynyń prezidenti Jerar Fries.
Ol elinde qaldyqtar qalai suryptalatyny týraly aitty.
«Biz qaldyqtardy órteý, qaita óńdeýden basqa jańa tehnologiialardy qoldanamyz. Eger kásiporyndarǵa baryp kórseńizder, olar qaita óńdeý kezinde qol jumysyn kóp qoldanady. Sońǵy ýaqytta qaldyqtardy suryptaityn ártúrli arnaiy tehnologiialardy engizýdemiz. Osylaisha, plastik, áinek, qaǵaz jáne taǵy ba basqa zattar bólek-bólek suraptalady», - deidi Jerar Fries.
Aita keterligi, Qazaqstanda turmystyq qatty qaldytardyń jyl saiyn ósýiniń basty sebebi – elimizdegi ekonomikalyq ósý jáne jalǵasyp kele jatqan ýrbanizatsiia. Bul – elimizdegi eń ótkir ekologiialyq problemalardyń biri. Degenmen Qazaqstan jasyl ekonomikaǵa ótý tujyrymdamasyna sáikes, qaldyqtardy qaita óńdeý 2030 jylǵa qarai 40%, 2050 jyly 50% deiin jetýi kerek.
