Almatyda kásiporyn qyzmetkerleri quny 50 million teńgelik kabel ónimderin urlaǵan, - dep habarlaidy Polisia.kz.
Tergeý anyqtaǵandai, ony bailanys kásiporyndarynyń biriniń 14 qyzmetkeri birneshe kezeńmen júzege asyrǵan. Olar sottalǵan.
Kompaniia ókiliniń aitýynsha, qala aýmaǵynda kabel ónimderin urlaý úsh jyldan beri tirkelip keledi. Jalpy materialdyq shyǵyn 50 million teńgeden asty.
Túrksib aýdandyq PB-na resmi aryz berilgen. Tergeý is-sharalary nátijesinde kásiporynnyń 14 qyzmetkeriniń qatysy anyqtaldy, olar kabelderdiń, tizbekterdiń jáne dabyl qorǵanysynyń ornalasqan jerin bile otyryp, 2021 jyldyń jeltoqsanynan 2022 jyldyń qańtar aiynyń sońyna deiin múlikti urlaýdy uiymdastyrǵan.
"Almaty politsiiasynyń basshylyǵyna, Túrksib aýdandyq PB-nyń politsiia qyzmetkerleri, atap aitqanda tergeýshi Ánýar Sháripovtiń, jedel ýákil Jasulan Asylhanovtyń jáne Túrksib aýdandyq PB bastyǵynyń tergeý jónindegi orynbasary Aidarbek Kerimbekovtiń kásibi jáne adami qasietterin habarlaýdy azamattyq boryshym dep bilemin. Olardyń kásipqoilyǵynyń arqasynda QR QK-niń 188-baby 3-bóligi 1-tarmaǵyna ("Urlyq, iaǵni aldyn ala sóz bailasý boiynsha adamdar tobynyń asa iri kólemde múlikti jymqyrýy") sáikes qozǵalǵan qylmystyq is aiaqtaldy. Kináliler ózine laiyqty jazasyn aldy. Qolastyndaǵylaryńyzdyń arasynda osyndai qyzmetkerlerdiń kóp bolýyn shyn júrekten tileimiz", – dedi "Qazaqtelekom" AQ basqarma tóraǵasynyń ýákiletti ókili Sh.Razdyqov.
