Búgin QR Kásipodaqtar federatsiiasynyń Bas keńesiniń otyrysy ótti. Otyrys barysynda Kásipodaqtar federatsiiasynyń jańa tóraǵasy sailandy.
Múshe kásipodaq uiymdary men kásipodaqtar qozǵalysy ardagerlerinen túsken ótinimder negizinde QR Kásipodaqtar federatsiiasynyń tóraǵasy laýazymyna bir kandidat – búgingi kúnge deiin QR Kásipodaqtar federatsiiasy tóraǵasynyń birinshi orynbasary qyzmetin atqaryp kelgen Satybaldy Dáýletalin usynyldy.
Elimizdegi tótenshe jaǵdaiǵa bailanysty tuńǵysh ret Bas keńestiń kún tártibin qarastyrý qashyqtan ótkizildi. Daýys berý nátijesinde Satybaldy Dáýletalinniń kandidatýrasy Bas keńes músheleriniń kópshiliginiń daýsymen qoldaý tapty.
Táýelsiz Qazaqstan kásipodaqtarynyń 28 jyldyq tarihynda tuńǵysh ret QR Kásipodaqtar federatsiiasyna kásipodaq ortasynan shyqqan ókil basshylyq etedi. Jańa sailanǵan tóraǵanyń Kásipodaqtar federatsiiasyndaǵy eńbek ótili 2015 jyldan bastalady.
5 jyl ishinde Satybaldy Dáýletalin kásipodaqtar qozǵalysynyń damýyna eleýli eńbek sińirdi, elimizdiń kásipodaqtar qozǵalysynyń kóshbasshylary arasynda úlken senim men zor qurmetke ie boldy.
Budan bólek, kún tártibine sáikes Bas keńes músheleri Eraly Luqpanuly Toǵjanovty basqa jumysqa aýysýyna bailanysty Qazaqstan Respýblikasy Kásipodaqtar federatsiiasynyń tóraǵasy laýazymynan bosatý týraly sheshim qabyldaǵan bolatyn.
Sondai-aq, otyrys barysynda QR Kásipodaqtar federatsiiasy Bas keńesiniń múshesi T.B.Qabdolovtyń ókilettigin toqtatý týraly jáne Bas keńestiń músheleri - «Qazaqstandyq munai-gaz salalyq kásipodaǵy» QB tóraiymy E.E.Mýstafinanyń, «Qazkómirkásipodaq» kómir óndirýshiler salalyq kásiptik odaǵy» QB tóraǵasy M.V.Mirgaiazovtyń ókilettigin rastaý týraly máseleler qarastyryldy.
