Ekinshi orta salmaqtaǵy qazaqstandyq boksshy Áli Ahmedov "Pantera" laqap atymen tanymal David Segarrany jeńdi, - dep habarlaidy "Ult aqparat".
Jekpe-jek 16 qyrkúiekte Montebello qalasynda (Kaliforniia, AQSh) Hollywood Fight Nights boks keshi aiasynda ótti. Ol segiz raýndqa eseptelgen bolatyn.
Alaida Ahmedov qarsylasynan basym bolyp, aqyry tehnikalyq nokaýtpen jeńdi. Úshinshi raýndtan keiin Segarra jekpe-jekti jalǵastyrýdan bas tartty.
Qazaqstandyq úshin bul - kásipqoilar arasyndaǵy 17-shi jeńis, onyń 13-shi erte aiaqtaldy.
Ahmedov sońǵy ret 2020 jyldyń jeltoqsanynda ekvadorlyq Karlos Gongoramen jekpe-jek ótkizip, IBO nusqasy boiynsha ekinshi orta salmaqtaǵy álem chempiony ataǵyna talasqan bolatyn. Segarramen jekpe-jek 1 tamyzda ótýi kerek edi, biraq latynamerikalyq boksshynyń koronavirýsqa qarsy tapsyrǵan testi oń nátije berip, boks keshi keiinge qaldyrylǵan bolatyn.
Eske salaiyq, Ahmedovke IBF jáne IBO nusqalary boiynsha orta salmaqtaǵy álem chempiony Gennadii Golovkinniń GGG Promotions promoýterlik kompaniiasy qoldaý kórsetedi.
