2021 jylǵy 1 qańtardan bastap kásipkerlik sýbektileriniń bank shottarynan qolma-qol aqshany alýyna shekteý engizildi, dep habarlaidy "Ult aqparat" QR Qarjy ministrligini Memlekettik kirister komitetiniń baspasóz qyzmetine silteme jasap.
Atalǵan shekteý 2020 jylǵy 1 maýsymnan bastap qoldanysta bolǵanyn jáne tek zańdy tulǵalarǵa ǵana qoldanylǵanyn atap ótken jón, al osy jyldyń basynan bastap shekteý dara kásipkerlerge de qoldanylady.
Qazaqstan Respýblikasynyń Ulttyq banki basqarmasynyń 2020 jylǵy 21 jeltoqsandaǵy № 150 birlesken qaýlysymen jáne Qazaqstan Respýblikasy Ulttyq ekonomika ministriniń 2020 jylǵy 23 jeltoqsandaǵy №95 buiryǵymenkásipkerlik sýbektileriniń kúntizbelik ai ishinde bank shottarynan qolma-qol aqshany alý somasynyń mynadai shekti mólsheri bekitildi:
20 000 000 (jiyrma million) teńge – shaǵyn kásipkerlik sýbektileri úshin;
120 000 000 (bir júz jiyrma million) teńge – orta kásipkerlik sýbektileri úshin;
150 000 000 (bir júz elý million) teńge – iri kásipkerlik sýbektileri úshin.
Bul rette bank shottarynan qolma-qol aqsha alý jónindegi kórsetilgen talap mynadai kásipkerlik sýbektilerine:
mikro kásipkerlik sýbektilerine;
aýyl sharýashylyǵy azyq-túlik ónimin, akvaósirý (balyq aýlaý) ónimin satyp alýdy júzege asyratyn kásipkerlik sýbektilerine;
birlesken qaýly men buiryqqa qosymshaǵa sáikes ekonomikalyq qyzmet túrleri bar tamaq ónimderimen, sýsyndarmen, sondai-aq farmatsevtikalyq, meditsinalyq jáne ortopediialyq taýarlarmen bólshek saýdany júzege asyratyn kásipkerlik sýbektilerine;
4) Ekinshi deńgeidegi bankter jáne Ulttyq pochta operatory Qazaqstan Respýblikasynyń Ulttyq bankinde ashylǵan korrespondenttik shottardan qolma-qol aqsha alǵan kezde jáne qyzmetin Qazaqstan Respýblikasy Ulttyq bankiniń qolma-qol shetel valiýtasymen aiyrbastaý operatsiialaryna bergen litsenziiasy negizinde tek qana aiyrbastaý pýnktteri arqyly júzege asyratyn zańdy tulǵalarǵa qoldanylmaidy.
Sonymen qatar, Qazaqstan Respýblikasynyń Ulttyq banki basqarmasynyń 2020 jylǵy 21 jeltoqsandaǵy №151 jáne Qazaqstan Respýblikasy Qarjy naryǵyn retteý jáne damytý agenttigi Basqarmasynyń 2020 jylǵy 22 jeltoqsandaǵy №125 birlesken qaýlylarymen jáne Qazaqstan Respýblikasy Qarjy ministriniń 2020 jylǵy 22 jeltoqsandaǵy № 1223 buiryǵymen Kásipkerlik sýbektileriniń bank shottarynan qolma-qol aqshany alý qaǵidalary bekitildi.
Kórsetilgen Qaǵidalarda qolma-qol aqshany alýdyń belgilengen shekti mólsherinen asqan jaǵdaida, kásipkerge bankke usynýy qajet qujattardyń negizgi tizbesi bekitilgen.
Kásipker bankke mynalardy usynýy kerek:
qolma-qol aqshany alý maqsatyn rastaityn qujat;
memlekettik kirister organdaryna málimetter men qujattardy jiberýge kelisimi.
Bank 1 jumys kúni ishinde MKK-ne banktik shottan qolma-qol aqsha alýǵa ótinim jiberedi.
MKK ótinimdi 3 jumys kúni ishinde qarastyrady. Osydan keiin bankke qolma-qol aqshany berýden bas tartý úshin negizdemeniń bar nemese joq ekendigi týraly málimetterdi jiberedi.
Sondai-aq táýekelderdi basqarý júiesin qoldanýdy eskere otyryp, memlekettik kirister organy mynadai sheshimderdiń birin shyǵarady:
táýekeldiń tómen dárejesi boiynsha – qolma-qol aqsha berýden bas tartý úshin negizderdiń joqtyǵy týraly;
joǵary táýekel dárejesi boiynsha – qolma-qol aqsha berýden bas tartý úshin negizderdiń bolýy týraly.
«Táýekelderdi basqarý júiesin qoldaný nátijeleri boiynsha kásipkerlik sýbektileriniń bank shottarynan qolma-qol aqshany alý somasynyń shekti mólsherinen asatyn somada qolma-qol aqsha berýden bas tartý úshin negizderdiń bolýy ne bolmaýy týraly málimetter kúntizbelik bir ai ishinde jaramdy», - dep tolyqtyrdy Memlekettik kirister komitetinde.
