2021 جىلعى 1 قاڭتاردان باستاپ كەسٸپكەرلٸك سۋبەكتٸلەرٸنٸڭ بانك شوتتارىنان قولما-قول اقشانى الۋىنا شەكتەۋ ەنگٸزٸلدٸ, دەپ حابارلايدى "ۇلت اقپارات" قر قارجى مينيسترلٸگٸنٸ مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸنە سٸلتەمە جاساپ.
اتالعان شەكتەۋ 2020 جىلعى 1 ماۋسىمنان باستاپ قولدانىستا بولعانىن جەنە تەك زاڭدى تۇلعالارعا عانا قولدانىلعانىن اتاپ ٶتكەن جٶن, ال وسى جىلدىڭ باسىنان باستاپ شەكتەۋ دارا كەسٸپكەرلەرگە دە قولدانىلادى.
قازاقستان رەسپۋبليكاسىنىڭ ۇلتتىق بانكٸ باسقارماسىنىڭ 2020 جىلعى 21 جەلتوقسانداعى № 150 بٸرلەسكەن قاۋلىسىمەن جەنە قازاقستان رەسپۋبليكاسى ۇلتتىق ەكونوميكا مينيسترٸنٸڭ 2020 جىلعى 23 جەلتوقسانداعى №95 بۇيرىعىمەنكەسٸپكەرلٸك سۋبەكتٸلەرٸنٸڭ كٷنتٸزبەلٸك اي ٸشٸندە بانك شوتتارىنان قولما-قول اقشانى الۋ سوماسىنىڭ مىناداي شەكتٸ مٶلشەرٸ بەكٸتٸلدٸ:
20 000 000 (جيىرما ميلليون) تەڭگە – شاعىن كەسٸپكەرلٸك سۋبەكتٸلەرٸ ٷشٸن;
120 000 000 (بٸر جٷز جيىرما ميلليون) تەڭگە – ورتا كەسٸپكەرلٸك سۋبەكتٸلەرٸ ٷشٸن;
150 000 000 (بٸر جٷز ەلۋ ميلليون) تەڭگە – ٸرٸ كەسٸپكەرلٸك سۋبەكتٸلەرٸ ٷشٸن.
بۇل رەتتە بانك شوتتارىنان قولما-قول اقشا الۋ جٶنٸندەگٸ كٶرسەتٸلگەن تالاپ مىناداي كەسٸپكەرلٸك سۋبەكتٸلەرٸنە:
ميكرو كەسٸپكەرلٸك سۋبەكتٸلەرٸنە;
اۋىل شارۋاشىلىعى ازىق-تٷلٸك ٶنٸمٸن, اكۆاٶسٸرۋ (بالىق اۋلاۋ) ٶنٸمٸن ساتىپ الۋدى جٷزەگە اسىراتىن كەسٸپكەرلٸك سۋبەكتٸلەرٸنە;
بٸرلەسكەن قاۋلى مەن بۇيرىققا قوسىمشاعا سەيكەس ەكونوميكالىق قىزمەت تٷرلەرٸ بار تاماق ٶنٸمدەرٸمەن, سۋسىندارمەن, سونداي-اق فارماتسەۆتيكالىق, مەديتسينالىق جەنە ورتوپەدييالىق تاۋارلارمەن بٶلشەك ساۋدانى جٷزەگە اسىراتىن كەسٸپكەرلٸك سۋبەكتٸلەرٸنە;
4) ەكٸنشٸ دەڭگەيدەگٸ بانكتەر جەنە ۇلتتىق پوچتا وپەراتورى قازاقستان رەسپۋبليكاسىنىڭ ۇلتتىق بانكٸندە اشىلعان كوررەسپوندەنتتٸك شوتتاردان قولما-قول اقشا العان كەزدە جەنە قىزمەتٸن قازاقستان رەسپۋبليكاسى ۇلتتىق بانكٸنٸڭ قولما-قول شەتەل ۆاليۋتاسىمەن ايىرباستاۋ وپەراتسييالارىنا بەرگەن ليتسەنزيياسى نەگٸزٸندە تەك قانا ايىرباستاۋ پۋنكتتەرٸ ارقىلى جٷزەگە اسىراتىن زاڭدى تۇلعالارعا قولدانىلمايدى.
سونىمەن قاتار, قازاقستان رەسپۋبليكاسىنىڭ ۇلتتىق بانكٸ باسقارماسىنىڭ 2020 جىلعى 21 جەلتوقسانداعى №151 جەنە قازاقستان رەسپۋبليكاسى قارجى نارىعىن رەتتەۋ جەنە دامىتۋ اگەنتتٸگٸ باسقارماسىنىڭ 2020 جىلعى 22 جەلتوقسانداعى №125 بٸرلەسكەن قاۋلىلارىمەن جەنە قازاقستان رەسپۋبليكاسى قارجى مينيسترٸنٸڭ 2020 جىلعى 22 جەلتوقسانداعى № 1223 بۇيرىعىمەن كەسٸپكەرلٸك سۋبەكتٸلەرٸنٸڭ بانك شوتتارىنان قولما-قول اقشانى الۋ قاعيدالارى بەكٸتٸلدٸ.
كٶرسەتٸلگەن قاعيدالاردا قولما-قول اقشانى الۋدىڭ بەلگٸلەنگەن شەكتٸ مٶلشەرٸنەن اسقان جاعدايدا, كەسٸپكەرگە بانككە ۇسىنۋى قاجەت قۇجاتتاردىڭ نەگٸزگٸ تٸزبەسٸ بەكٸتٸلگەن.
كەسٸپكەر بانككە مىنالاردى ۇسىنۋى كەرەك:
قولما-قول اقشانى الۋ ماقساتىن راستايتىن قۇجات;
مەملەكەتتٸك كٸرٸستەر ورگاندارىنا مەلٸمەتتەر مەن قۇجاتتاردى جٸبەرۋگە كەلٸسٸمٸ.
بانك 1 جۇمىس كٷنٸ ٸشٸندە مكك-نە بانكتٸك شوتتان قولما-قول اقشا الۋعا ٶتٸنٸم جٸبەرەدٸ.
مكك ٶتٸنٸمدٸ 3 جۇمىس كٷنٸ ٸشٸندە قاراستىرادى. وسىدان كەيٸن بانككە قولما-قول اقشانى بەرۋدەن باس تارتۋ ٷشٸن نەگٸزدەمەنٸڭ بار نەمەسە جوق ەكەندٸگٸ تۋرالى مەلٸمەتتەردٸ جٸبەرەدٸ.
سونداي-اق تەۋەكەلدەردٸ باسقارۋ جٷيەسٸن قولدانۋدى ەسكەرە وتىرىپ, مەملەكەتتٸك كٸرٸستەر ورگانى مىناداي شەشٸمدەردٸڭ بٸرٸن شىعارادى:
تەۋەكەلدٸڭ تٶمەن دەرەجەسٸ بويىنشا – قولما-قول اقشا بەرۋدەن باس تارتۋ ٷشٸن نەگٸزدەردٸڭ جوقتىعى تۋرالى;
جوعارى تەۋەكەل دەرەجەسٸ بويىنشا – قولما-قول اقشا بەرۋدەن باس تارتۋ ٷشٸن نەگٸزدەردٸڭ بولۋى تۋرالى.
«تەۋەكەلدەردٸ باسقارۋ جٷيەسٸن قولدانۋ نەتيجەلەرٸ بويىنشا كەسٸپكەرلٸك سۋبەكتٸلەرٸنٸڭ بانك شوتتارىنان قولما-قول اقشانى الۋ سوماسىنىڭ شەكتٸ مٶلشەرٸنەن اساتىن سومادا قولما-قول اقشا بەرۋدەن باس تارتۋ ٷشٸن نەگٸزدەردٸڭ بولۋى نە بولماۋى تۋرالى مەلٸمەتتەر كٷنتٸزبەلٸك بٸر اي ٸشٸندە جارامدى», - دەپ تولىقتىردى مەملەكەتتٸك كٸرٸستەر كوميتەتٸندە.
