Parlament Senatynyń Tóraǵasy Máýlen Áshimbaev pandemiianyń saldarynan shyǵynǵa ushyraǵan kásipkerlerdi qoldaýdyń mańyzdylyǵy týraly aityp ótti, dep habarlaidy "Ult aqparat".
Karantin sharalary saldarynan biznesi turalap qalǵan kásipkerlerge salyqtyń 2 túri birden 3%-ǵa deiin 2 jylǵa tómendetildi. Endi korporativter úshin 10-20% jáne jeke tabys salyǵy boiynsha 10% ornyna – kompaniialar men jeke kásipkerler 3% ǵana balama bólshek salyǵyn tóleýi kerek bolady.
Sonymen qatar, pandemiia saldarynan shyǵynǵa ushyraǵan kompaniialar qosymsha qun salyǵynan jáne áleýmettik salyqtan bosatylady. Bul ózgerister aqsha ainalymynyń kólemine qaramastan barlyq kásipkerlerge ortaq bolady.
«Pandemiia kezinde erekshe zardap shekken sektorlarǵa qoldaý kórsetý úshin shaǵyn jáne orta bizneske 2 jylǵa qosylǵan qun salyǵynan jáne áleýmettik salyqtan bosatý usynylyp otyr. Sonymen qatar korporativtik jáne tabys salyǵyn esepteýdiń tártibi zań jobasynda senatorlarmen usylynyp otyr. Memleket basshysynyń tapsyrmasymen tabystyń 3 paiyzy kóleminde bólshek salyq rejimi engiziledi. Mundai qadam pandemiiadan zardap shekken kásipkerler úshin salyq júktemesin azaitýǵa jáne olardyń jumysyna qoldaý kórsetýge baǵytalyp otyr», - dedi Senat spikeri Máýlen Áshimbaev Salyq kodeksine engiziletin ózgerister jaily pikir bildire otyryp.
Senat depýtattary birneshe márte shaǵyn jáne orta bizneske qoldaýdy arnaiy salyq rejimderin qurý túrinde de, salyqtyq ákimshilendirýdi jeńildetý turǵysynan da uiymdastyrý qajettiligi týraly talqylady. Shaǵyn jáne orta bizneske qoldaý kórsetý maqsatynda Salyq kodeksine ózge de túzetýler engizildi. Depýtattar shekteýlerdiń saldarynan tabysynan airylǵan kásipkerlerdiń qaita qalypqa kelýi úshin birneshe ai qajet bolady degen pikirge súienip otyr. Sondyqtan Senat depýtattary salyq júktemesin azaityp qana qoimai, bizneske memleket tarapynan basqa da qoldaý kórsetýdi qajet dep sanaidy. Al eń kóp shyǵynǵa ushyraǵan ekonomikalyq sektorlardyń tizimin Úkimet aiqyndaityn boldy.
