QR Memlekettik kirister komiteti baqylaý-kassa mashinalaryn qoldaný máseleleri boiynsha zańnamany túsindirdi, dep habarlaidy "Ult aqparat" vedomstvonyń baspasóz qyzmetine silteme jasap.
«Salyq jáne biýdjetke tólenetin basqa da mindetti tólemder týraly» Qazaqstan Respýblikasy kodeksiniń (Salyq kodeksi) 166-babynyń 1-tarmaǵyna sáikes Qazaqstan Respýblikasy aýmaǵynda aqshalai esep aiyrysýlar derekterdi tirkeý jáne (nemese) berý fýnktsiiasy bar Baqylaý-kassa mashinalaryn (budan ári – onlain - BKM) mindetti túrde qoldana otyryp júrgiziledi.
Bul rette Salyq kodeksiniń 166 babynyń 2-tarmaǵyna sáikes BKM mindetti túrde qoldaný boiynsha ereje aqshalai esep aiyrysýǵa qoldanylmaidy:
1) jeke tulǵalardyń;
2) advokattar men mediatorlardyń;
3) ýákiletti organmen kelisý boiynsha kólik salasyndaǵy memlekettik saiasatty iske asyrýdy júzege asyratyn ýákiletti memlekettik organ bekitken nysan boiynsha biletterdi bere otyryp, qalalyq qoǵamdyq kólikte tasymaldaý boiynsha halyqqa qyzmet kórsetý bóliginde;
4) Qazaqstan Respýblikasy Ulttyq bankiniń;
5) qyzmeti ortaq paidalanylatyn telekommýnikatsiia jelileri joq jerlerdegi salyq tóleýshilerdiń;
6) ekinshi deńgeidegi bankterdiń aqshalai esep aiyrysýlaryna qoldanylmaidy.
«Qolma-qol aqsha jáne (nemese) tólem kartasyn paidalana otyryp esep aiyrysý arqyly taýardy satyp alý, jumystardy oryndaý, qyzmet kórsetý úshin júzege asyrylatyn esep aiyrysý aqshalai esep aiyrysý dep túsiniletinin aita ketý kerek (Salyq kodeksiniń 165-babynyń 1-tarmaqshasy).
Iaǵni, búgingi tańda qolma-qol aqsha jáne (nemese) tólem kartochkalaryn paidalana otyryp esep aiyrysý arqyly taýardy satyp alý, jumystardy oryndaý, qyzmetter kórsetý esep aiyrysýdy júzege asyrǵan kezde, Salyq kodeksiniń 166 babynyń 2-tarmaǵynda kórsetilgen salyq tóleýshilerdi qospaǵanda barlyǵy BKM qoldanýǵa mindetti», delingen habarlamada.
Bul rette, 2020 jylǵy 1 qańtardan bastap aqshalai esep aiyrysý kezinde barlyq jeke kásipkerler BKM qoldanýǵa mindetti.
Komitettiń málimetinshe, memlekettik tizilimde BKM-nyń 243 modeli engizilgen, onyń ishinde 89 onlain-BKM modeli, onyń ishinde mobildi qosymsha túrindegi 7 modeli engizilgen.
Onlain BKM baǵasy modifikatsiiaǵa jáne tehnikalyq múmkindikterge bailanysty erekshelenedi. Statsionarlyq onlain BKM-nyń eń tómengi baǵasy 60 myń teńge. Bul rette naryqta sondai-aq uialy qosymshadaǵy BKM úlgileri bar, olardy paidalanǵany úshin 3 000 teńgege deiin tólem jasalady (uialy qosymsha túrindegi tegin onlain BKM bar).
Sonymen qatar, salyq tóleýshiler BKM memlekettik tizilimine engizilgen onlain BKM úlgileriniń kez kelgenin derbes tańdaýǵa jáne tirkeýge quqyly. Bul rette, salyq tóleýshiler qyzmeti ortaq paidalanylatyn telekommýnikatsiia jelileri joq jerlerde derekterdi berý fýnktsiiasy joq BKM qoldanýǵa mindetti.
