Sybailas jemqorlyqqa qarsy qyzmet kásipkerlikke memorgandardyń zańsyz aralasýynyń 154 faktisin tirkedi, dep habarlaidy QazAqparat.
«Biz búgin sizdermen jemqorlyqqa qarsy komplaenstyń júiesin qurý máselesine qatysty bas qosyp otyrmyz. Bul saladaǵy halyqaralyq tájiribelerdi de zertteý kerek. Ekonomikalyq yntymaqtastyq jáne damý uiymyna múshe elderdiń jetekshi tájiribelerine sáikes komplaens qyzmetterdi qurý – memleket tarapynan qoldaýǵa ie. Tipti keibir elderde memlekettik tapsyrys nemese bankten qaryz bergen kezde óz jumysynda komplaens qyzmetterdi engizgen kompaniialarǵa basymdyq beriledi», - dedi QR Sybailas jemqorlyqqa qarsy is-qimyl agenttigi tóraǵasynyń birinshi orynbasary Oljas Bektenov Qazaqstandaǵy komplaensty damytý jáne ilgeriletý boiynsha halyqaralyq onlain forýmda.
Agenttik tóraǵasynyń birinshi orynbasary keiingi eki jyldyń ishinde biznes pen investitsiiany qorǵaý jumysyna basymdyq berilip keledi.
«Bizdiń oiymyzsha bul jumys jaqsy rettelip keledi. Qazirgi tańda jemqorlyqqa qarsy qyzmettiń súiemeldeýinde jalpy somasy 12,5 trln teńgelik 50 investitsiialyq joba bar. Osy jyldyń ózinde biz memlekettik organdardyń kásiplik salaǵa zańsyz aralasýynyń 154 faktisin anyqtadyq. Bul ister boiynsha 90 adam qylmystyq jaýapkershilikke tartyldy. Osy rette árdaiym ózimiz múddesine jumys isteitin maqsatty toptardyń keris bailanysy men baǵalaýyn alǵymyz keledi», - dedi ol.
Onyń sózinshe zertteýlerge sáikes Qazaqstandaǵy saýalnama júrgizgen kásipkerlerdiń 76 paiyzy elde jemqorlyq praktikasyna júginbei biznes qurýǵa bolatynyna senedi.
