Elorda ákimi Altai Kólginov biznes, memlekettik organdar, «Atameken» QR Ulttyq kásipkerler palatasy, «Damý» kásipkerlikti damytý qory» AQ jáne bank ókilderimen onlain-konferentsiia ótkizdi, dep habarlaidy qalalyq ákimdiktiń baspasóz qyzmeti.
Ashyq dialog barysynda kásipkerler kásiporyndardyń jumysyn birtindep qalpyna keltirý boiynsha óz usynystaryn aitty. Máselen, turmystyq tehnikany satatyn dúkenderdi ashý týraly usynys aityldy.
Turǵyndarda tońazytqysh, salqyndatqysh, plita jáne t. b. satyp alý qajettiligi týyndap otyr. Sonymen birge arnaiy halyqqa qyzmet kórsetý ortalyqtaryn barynsha onlain rejimge kóshirip, ashý usynyldy.
Onlain-konferentsiiaǵa qatysýshylar onlain-servisterdi damytý men memlekettik qyzmetterdi elektrondyq formatqa barynsha kóshirý qajettigin atap ótti.
«Atameken» QR UKP Basqarma Tóraǵasy Abylai Myrzahmetov usynystar eskeriletindigin aitty. Kásipkerlerdiń usynystary Tótenshe jaǵdai rejimin qamtamasyz etý jónindegi memlekettik komissiianyń otyrysynda talqylanady.
