Foto: Raiymbek Batalovtyń Facebook paraqshasynan
Úkimet qosylǵan qun salyǵynyń (QQS) mólsherlemesin kóterý týraly sheshimin jariialaǵannan keiin, «Atameken» ulttyq kásipkerler palatasy kezekten tys keńeitilgen otyrys ótkizdi, dep habarlaidy Ult.kz.
Kásipkerler QQS mólsherlemesiniń kóterilýine alańdaýly, sonymen qatar olar jańa Salyq kodeksine bailanysty pikir bildirdi.
Batalovtyń aitýynsha, biznes úkimetpen konstrýktivti, biraq shielenisti dialog júrgizip jatyr. Salyq kodeksin jeńildetý kerek, al bizneske teń quqyq berilýi tiis — ulttyq palatanyń ustanymy osyndai.
«Biznes qaýymdastyqta belsendi talqylanyp jatqan QQS mólsherlemesine erekshe nazar aýdarǵym keledi. Biz mólsherlemeni kóterý naqty esepteýlermen dáleldenýi tiis dep sanaimyz jáne ony birden 20%-ǵa kóterýge qarsymyz. Sondai-aq QQS shegin muqiiat qarastyrý qajet. Biz 15 milliondyq shekke qarsymyz! Munyń biznes kiristeri men ósý qarqynyna, ásirese ákimshilendirýdiń qiyndaýy turǵysynan tigizer saldaryn taldaý mańyzdy».
«Atameken» arnaiy salyq rejimin qoldaný shegin tómendetý usynysymen de kelispeidi.
«Biz úshin mundai sheshimderdiń naqty sandarǵa negizdelip, analitikalyq derektermen rastalýy mańyzdy».
Ulttyq palata salyq reformasy boiynsha usynystar jinaqtalǵan biýlleten daiyndady.
