Elordada meditsinalyq maska shyǵaratyn zaýyt ashylmaq, – dep habarlaidy «Ult aqparat».
Bul týraly Aidar Mahambet Feisbýk paraqshasynda súiinshilep jazdy.
«Myna indetke qarsy kúresý úshin bizdiń dostarymyz Elordamyzda jańa bet perde zavody qosqaly tur.
Áldede sertifikattaryn alý kerek, keiin satyp alýǵa bolady.
Atap aitqanda JShS "Bolashaq 2019" táýligine 45 myń dana betperde shyǵarady.
Kóp alsańyz meniń skidkam bar.
Astyndaǵy ashyq kózden alǵan aqparat.
Meditsinalyq betperdeler jáne zalalsyzdandyrý quraldarynyń óndirisi týraly:
2020 jylǵy 30 maýsymdaǵy jaǵdai boiynsha elimizde táýligine 772 myń dana betperde óndiriledi. Onyń ishinde farmatsevtikalyq kásiporyndar 567 myń, tigin kásiporyndary 204 myń dana óndirdi. Qoimalarda 4 mln.-nan astam betperde bar. Tiisti aqparat "SQ-Farmatsiia" JShS-ne berilip turady. Óz kezeginde QR Densaýlyq saqtaý ministrligi óndirilgen ónimdi el óńirlerine bóledi.
Búginde dáke jáne bózden tigilgen betperdeler atqarýshy organdarmen jasalǵan shart negizinde jetkiziledi» dep jazdy ol.
Aita keteiik, qazirgi kezde betperdeler óndirisi QR Indýstriia jáne infraqurylymdyq damý ministrliginiń qatań baqylaýyna alyndy. Qosymsha óndiristi iske qosý jáne óndiristi keńeitý nátijesinde betperdeler óndirisiniń kólemi táýligine 1 mln. danaǵa jetti.
Zalalsyzdandyrý quraldaryna kelsek, aǵymdaǵy jyldyń 30 maýsymynda 63 350 litr zalalsyzdandyrý quraldary shyǵaryldy. Qoimada 331 576 litr, tutynýshylarǵa kósheler men úi-jailardy tazalaý úshin jáne dárihana jelilerine 56 730 litr jóneltildi.
Anyqtamalyq:
Farmatsevtikalyq kásiporyndar: "Dolce" JShS (Almaty obl.) 178 675 dana/táýlik, "Medical Active Group" JShS (Almaty q.) 3000 dana/táýlik, "MegaPharma" JShS (Jambyl obl.) 50 000 dana/táýlik, "TK-Farm Aqtóbe" JShS (Aqtóbe q.) 40 000 dana/táýlik, "Ecos" JShS (Almaty q.) 2 000 dana/táýlik, «Bizhon» JShS (Shymkent q.) 66 500 dana / táýlik, "Bolashaq 2019" JShS (Nur-Sultan q.) 45 000 dana/táýlik," Vita Pharma " JShS (Nur-Cultan q.) 2 000 dana/táýlik, BIONIC-PRO JShS (Nur-Sultan q.) 180 000 dana/táýlik.
