Sýret: ashyq derekkóz
Antikor birneshe óńirde alaiaqtyq faktilerine sot úkimi shyqqanyn habarlady.
Máselen, Astana qalasynyń qylmystyq ister jónindegi mamandandyrylǵan aýdanaralyq soty 8 jyl 6 aiǵa bas bostandyǵynan aiyrýǵa «№ 2 jáne № 5 nan bazasy» «Astyq qoimalary» JShS ókildikteriniń burynǵy direktory M. Júsipov sottaldy.
Ol memlekettik organdardyń laýazymdy adamdaryna asa iri mólsherde dándi daqyldardy jymqyrý faktisi boiynsha qylmystyq jaýapkershilikten jaltarý úshin 350 myń AQSh dollary somasynda para berdi degen kúdikke ilindi.
Osy úkimmen para berýge itermelegeni jáne alaiaqtyqqa oqtalǵany úshin I. Barabash pen T. Demesinov árqaisysy 10 jylǵa bas bostandyǵynan aiyryldy.
Sonymen qatar Qostanai qalasy № 2 sotynyń úkimimen Qostanai advokattar alqasynyń advokaty O. V. Brantsevke qatysty úkim jariialandy.
Ol alaiaqtyq pen para berýge itermeleýge oqtalǵany úshin kináli dep tanyldy.
O. V. Brantsev quqyq qorǵaý organdarynyń laýazymdy adamdaryna qylmystyq jaýaptylyqtan jaltarý úshin para berý syltaýymen óziniń qorǵaýshysy A. K. Sansyzbaevtyń 600 myń teńge mólsherindegi aqshasyn zańsyz iemdengen.
Oǵan paranyń 20 eselengen somasy 12 mln teńge mólsherinde aiyppul túrinde jaza taǵaiyndalyp, memlekettik qyzmette qyzmet atqarýǵa ómir boiyna tyiym salyndy.
Úkimder zańdy kúshine engen joq.
Para berýshiler men paraqorlyqtaǵy deldaldar para alýshylarmen qatar shartty túrde merziminen buryn bosatý múmkindiginen aiyrylǵan.
Para bergeni úshin 15 jylǵa deiin bas bostandyǵynan aiyrý, sondai-aq múlikti tárkileý, belgili bir laýazymdardy atqarý quqyǵynan ómir boiy aiyrý, áskeri ataqtardan, synyptyq shenderden, memlekettik nagradalardan jáne t. b. aiyrý kózdelgen.
Azamat quqyq qorǵaý organyna óz erkimen habarlaǵan nemese oǵan qatysty bopsalaý oryn alǵan jaǵdaida ǵana para bergeni úshin qylmystyq jaýaptan bosatylady.
Barlyq basqa jaǵdailarda para berýshi qylmystyq jazaǵa tartylady.
Óz kezeginde jemqorlyq faktisi týraly habarlaǵan nemese jemqorlyqqa qarsy is-qimylǵa ózge de jolmen járdem kórsetetin adamdarǵa birjolǵy aqshalai syiaqy tólenetinin eske salamyz.
