Almaty oblysyndaǵy Jambyl aýdanynyń Aqterek aýylynda búginge deiin baspanaǵa muqtaj 130 otbasyǵa úi salyp bergen kásipker taǵy da 10 januiany baspana syilady, dep habarlaidy QazAqparat.
Kásipker Temirlan Sháinúsipov qurylysy aiaqtalyp qalǵan úilerdiń úsheýiniń kiltin ózi arnaiy tabys etti.
Jańa úidi kásipker jaǵdaiy tómen jáne kópbalaly otbasylarǵa arnap salǵan.
Qonys toiyn toilap otyrǵan Moldashevtar otbasynyń aitýynsha, úi zaman talabyna sai salynǵan.
«5 bólmeli úi zaman talabyna sai, ystyq sý, sýyq sý kirgizilgen. Ájethanasy da úidiń ishinde. Eki balammen tar úiinde áke-sheshemen turyp júr edik. Jas otbasy dep jańa baspana syilap otyrǵan qaiyrymdy janǵa alǵysymyz sheksiz», - deidi Ashat Moldashev.
Aita keteiik, 12 jyldan beri óz aýyldastaryna úi salyp júrgen kásipker biyl 50 oryndyq «Dariia» balabaqshasyn salyp, 15 adamdy turaqty jumyspen qamtyǵan.
