Túrkistan oblysy, Báidibek aýdanynda jergilikti kásipker bes balaly otbasyǵa baspana alyp berdi, dep habarlaidy "Ult aqparat".
Shaqpaq eldimekeniniń turǵyny Gúlmira Seiilbekovanyń buǵan deiin óziniń jeke úii bolmaǵan. Kóp balaly ana jyldar boiy 5 balasymen tabylǵan baspanany panalap kelgen. Osyny eskergen jany jomart jandar Qazaqstan Musylmandary Dini basqarmasynyń 30 jyldyǵyna orai jáne «Zeket» korporativtik qory arqyly 4 bólmeli úidiń kiltin tabys etti.
Igi sharaǵa «Asqar-Taý» sharýa qojalyǵynyń tóraǵasy Asqar Orazhanuly demeýshilik tanytty. Qaiyrymdy jandardyń jomarttyǵyna riza bolǵan kópbalaly ana alǵysyn bildirdi. Ózderine berilgen turǵyn úidiń mektep pen balabaqshaǵa jáne sporttyq alańshaǵa jaqyn ornalasqanyna erekshe qýanyshyn jetkizdi.
Aita keteiik, Báidibek aýdanynda biyl osymen úshinshi otbasyǵa demeýshiler esebinen úi berilip otyr.
