Foto: Pexels.com
«Akvaósirý týraly» zań aiasynda kólde nemese tor qorshamada ósirý qyzmetin júzege asyrýǵa arnalǵan sharttardy merziminen buryn buzý negizderi qarastyrylǵan. Depýtattar engizgen túzetýler aiasynda akvasharýashylyq salasyndaǵy adal emes sýbektilerdiń tizilimi jasalady, dep habarlaidy Ult.kz.
Osy tizilimge engizilgen, sharttyq mindettemelerin oryndamaǵan akvasharýashylyq sýbektilerine balyq sharýashylyǵy sý aidyndary men ýchaskelerin bekitýge 5 jyl boiy ótinim berýge tyiym salynady.
Halyqaralyq jáne respýblikalyq mańyzy bar sý aidyndaryndaǵy sharýashylyqtar úshin myna mindettemeler belgilendi:
- • balyq ósirý kólemin damý josparyna sáikes júrgizý;
- • biznes-jospar men jobanyń jumys baǵdarlamasyn oryndaý;
- • jańa óndiristik nysandardy salý, sonyń ishinde qaita óńdeý qýattaryn engizý nemese qoldanystaǵy óndiristerdi keńeitý, rekonstrýktsiialaý jáne jańǵyrtý;
- • Qazaqstan Respýblikasynyń salyq zańnamasyna sáikes tor qorshaýdaǵy sharýashylyq qyzmetin júzege asyrý úshin tólem engizý.
Sondai-aq akvasharýashylyqty damytýǵa baǵyttalǵan sýbektilerge sýbsidiialardy utymdy paidalaný jáne bólý úshin akvasharýashylyq sýbektilerine jáne ony damytýǵa jaýapty sýbektilerge sýbsidiia berýden bas tartý negizderi, akvasharýashylyqty sýbsidiialaý aiasynda alynǵan qarajatty qaitarý talaptary men merzimderine qatysty sharalar qarastyrylǵan.
