Koronavirýstan qorǵaný úshin shekteý sharalarynyń aiasynda qashyqtan jumys istep júrgen reseilikterdiń 63 paiyzy tezirek keńsege oralǵysy kelip otyr.
Buny IDF Eurasia (Moneyman onlain-nesielendirý qyzmeti brendimen jumys istep jatyr) júrgizgen saýalnama kórsetti, dep habarlaidy TASS agenttigi.
«Jumyskerlerdiń 63 paiyzy qyzmettik mindetin tez arada tikelei keńsede atqarýǵa niet bildirip otyr. Bul arada eńbek ónimdiliginiń 35 paiyzǵa tómendegeni ataldy (bul týraly kadrlyq qyzmet jáne basqarýshy topt ókilderi habarlady)», - delingen materialda.
Eńbek ónimdiliginiń azaiýyna ákelgen negizgi sebepter retinde respondentterdiń 33 paiyzy enjarlyq pen kúizelisti, 38 paiyzy – adamdarmen qatynastyń jetispeýshiligin atasa, taǵy 30 paiyzy úidegi adamdarmen aralasý qajettiligi, teledidar, turaqty túrde tamaq qabyldaý siiaqty alańdatatyn faktorlardan aryla almai júrgenin málimdedi.
Bul rette IT-mamandar siiaqty kásipter arasynda eńbek ónimdiligi 17 paiyzǵa artqan.
Eńbek ónimdiliginiń tómendeýiniń ornyn toltyrý maqsatynda basshylardyń 55 paiyzy materialdyq emes yntalandyrý boiynsha qosymsha sharalardy engizgen. Bul rette 22 paiyzy qyzmetkerdiń jumys kólemin belgilengen merzimde igere almaǵan jaǵdaida aiyppul sanktsiialaryn engizdi. Basshylardyń 10 paiyzy beiresmi jaǵdaida oqytý jáne tildesý arqyly qyzmetkerleriniń rýhyn kótermelep, jumysqa yntalandyrady, qalǵan 13 paiyzy jumys protsesteriniń shtattyq rejimi ótip jatqanyn málimdegen.
Saýalnamaǵa ekonomikanyń barlyq basty salalarynyń shaǵyn jáne orta biznestiń 130-dan astam kompaniiasynan 3400-den astam adam qatysqan. Zertteýge keńse qyzmetkerleri, sondai-aq HR-mamandar men kompaniia basshylary qatysty.
