Jumys berýshiniń jumyskerler qashyqtan jumys isteý kezinde paidalanatyn qupiia aqparatty qorǵaý týraly shart jasasý quqyǵy bekitildi.
Bul týraly Májilistiń jalpy otyrysynda tiisti zań jobasyn talqylaý kezinde depýtat Janat Omarbekova aitty, dep habarlaidy "Ult aqparat".
Búgin jalpy otyrysta «Qazaqstan Respýblikasynyń Eńbek kodeksine qashyqtan jumys isteýdi quqyqtyq retteýdi jetildirý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Jumys berýshiniń aktisi boiynsha qyzmettik mindetterdi eńbek shartyn jasaspai júzege asyratyn memlekettik qyzmetshilerdi, áskeri qyzmetshilerdi, arnaýly memlekettik jáne quqyq qorǵaý organdarynyń qyzmetkerlerin qashyqtan jumys isteýge jiberý tártibi reglamentteldi. Jumys berýshiniń jumyskerler qashyqtan jumys isteý kezinde paidalanatyn qupiia aqparatty qorǵaý týraly shart jasasý quqyǵy bekitildi», - dedi depýtat.
Onyń aitýynsha, jumyskerlerdiń eńbek quqyqtaryn qorǵaý maqsatynda eńbek shartynda jumys ýaqytynyń tirkelgen esebin belgileý jónindegi norma kózdeldi. Osy ýaqyt ishinde jumysker jumys ýaqytynyń kúndelikti uzaqtyǵynyń shekteýlerin saqtai otyryp, jumys ýaqyty sheginde jumys berýshimen bailanysta bolý úshin qoljetimdilik rejiminde bolýǵa tiis.
«Bul rette, eńbek sharty taraptarynyń kelisýi boiynsha qashyqtan jumys isteitin jumyskerler úshin jumys ýaqytynyń jiyntyq esebin qoldana otyryp, ikemdi jumys ýaqyty rejimi belgilenýi múmkin. Zań jobasynyń qabyldanýymen qashyqtan jumys isteýdi naqty reglamentteý jáne eńbek sharty taraptarynyń quqyqtary men mindetterin bekitý arqyly jumyskerlerdiń eńbek quqyqtaryn qorǵaý qamtamasyz etiletin bolady», - dedi Janat Omarbekova.
