Parlament Májilisiniń jalpy otyrysynda «Qazaqstan Respýblikasynyń Eńbek kodeksine qashyqtyqtan jumys isteýdi quqyqtyq retteýdi jetildirý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
Zań jobasyn Qazaqstan Respýblikasy Parlamenti Májilisi men Senat depýtattary ázirledi.
«2020 jyly Qazaqstan aýmaǵynda COVID-19 koronavirýs infektsiiasynyń taralýy qyzmetkerlerdiń orta eseppen jetpis paiyzyn qashyqtan jumys isteýge aýystyryp, jumys rejiminiń ózgerýine ákeldi», - dedi Májilis depýtaty Janat Omarbekova.
Onyń aitýynsha, elde qashyqtan jumys isteýdi uiymdastyrýdyń qalyptasqan tájiribesi pandemiia kezeńindegi eńbek salasyndaǵy naqty protsester men eńbek zańnamasy arasyndaǵy alshaqtyqty kórsetti.
Anyqtalǵan olqylyqtardy eskere otyryp, depýtattar birqatar usynys jasady.
«Bul usynystar taraptardyń kelisýi boiynsha qashyqtan jáne qashyqtan aralas jumys isteý uǵymdaryn engizý jóninde. Aralas jumys isteý jumys kezeńderin jumys berýshi ornalasqan jerde de, odan tys jerde de kezektestirýge múmkindik beredi. Qashyqtan jumys isteýge aýysqan qyzmetkerlerdiń tap bolǵan ótkir máseleleriniń biri – kommýnikatsiia quraldarymen, kompiýterlermen jáne basqa da quraldarmen qamtamasyz etý boldy. Osyǵan bailanysty zań jobasynda norma kózdeldi, oǵan sáikes tótenshe jaǵdaidy engizý, tótenshe jaǵdaidy jariialaý jáne shekteý is-sharalaryn, onyń ishinde karantindi engizý kezeńinde ýaqytsha qashyqtan jumys isteý kezinde jumyskerlerdi kommýnikatsiia quraldarymen qamtamasyz etý ári shyǵystardy óteý qajettiligi jumys berýshiniń aktisinde aiqyndalady», - dedi depýtat.
Onyń sózine qaraǵanda, eger jumysker óziniń kommýnikatsiia quraldaryn turaqty negizde paidalanatyn bolsa, jumys berýshi ótemaqy tólei alady, onyń mólsheri, tóleý tártibi men merzimderi taraptardyń kelisýi boiynsha belgilenedi.
