پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ ەڭبەك كودەكسٸنە قاشىقتىقتان جۇمىس ٸستەۋدٸ قۇقىقتىق رەتتەۋدٸ جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسىن قازاقستان رەسپۋبليكاسى پارلامەنتٸ مەجٸلٸسٸ مەن سەنات دەپۋتاتتارى ەزٸرلەدٸ.
«2020 جىلى قازاقستان اۋماعىندا COVID-19 كوروناۆيرۋس ينفەكتسيياسىنىڭ تارالۋى قىزمەتكەرلەردٸڭ ورتا ەسەپپەن جەتپٸس پايىزىن قاشىقتان جۇمىس ٸستەۋگە اۋىستىرىپ, جۇمىس رەجيمٸنٸڭ ٶزگەرۋٸنە ەكەلدٸ», - دەدٸ مەجٸلٸس دەپۋتاتى جانات وماربەكوۆا.
ونىڭ ايتۋىنشا, ەلدە قاشىقتان جۇمىس ٸستەۋدٸ ۇيىمداستىرۋدىڭ قالىپتاسقان تەجٸريبەسٸ پاندەمييا كەزەڭٸندەگٸ ەڭبەك سالاسىنداعى ناقتى پروتسەستەر مەن ەڭبەك زاڭناماسى اراسىنداعى الشاقتىقتى كٶرسەتتٸ.
انىقتالعان ولقىلىقتاردى ەسكەرە وتىرىپ, دەپۋتاتتار بٸرقاتار ۇسىنىس جاسادى.
«بۇل ۇسىنىستار تاراپتاردىڭ كەلٸسۋٸ بويىنشا قاشىقتان جەنە قاشىقتان ارالاس جۇمىس ٸستەۋ ۇعىمدارىن ەنگٸزۋ جٶنٸندە. ارالاس جۇمىس ٸستەۋ جۇمىس كەزەڭدەرٸن جۇمىس بەرۋشٸ ورنالاسقان جەردە دە, ودان تىس جەردە دە كەزەكتەستٸرۋگە مٷمكٸندٸك بەرەدٸ. قاشىقتان جۇمىس ٸستەۋگە اۋىسقان قىزمەتكەرلەردٸڭ تاپ بولعان ٶتكٸر مەسەلەلەرٸنٸڭ بٸرٸ – كوممۋنيكاتسييا قۇرالدارىمەن, كومپيۋتەرلەرمەن جەنە باسقا دا قۇرالدارمەن قامتاماسىز ەتۋ بولدى. وسىعان بايلانىستى زاڭ جوباسىندا نورما كٶزدەلدٸ, وعان سەيكەس تٶتەنشە جاعدايدى ەنگٸزۋ, تٶتەنشە جاعدايدى جارييالاۋ جەنە شەكتەۋ ٸس-شارالارىن, ونىڭ ٸشٸندە كارانتيندٸ ەنگٸزۋ كەزەڭٸندە ۋاقىتشا قاشىقتان جۇمىس ٸستەۋ كەزٸندە جۇمىسكەرلەردٸ كوممۋنيكاتسييا قۇرالدارىمەن قامتاماسىز ەتۋ ەرٸ شىعىستاردى ٶتەۋ قاجەتتٸلٸگٸ جۇمىس بەرۋشٸنٸڭ اكتٸسٸندە ايقىندالادى», - دەدٸ دەپۋتات.
ونىڭ سٶزٸنە قاراعاندا, ەگەر جۇمىسكەر ٶزٸنٸڭ كوممۋنيكاتسييا قۇرالدارىن تۇراقتى نەگٸزدە پايدالاناتىن بولسا, جۇمىس بەرۋشٸ ٶتەماقى تٶلەي الادى, ونىڭ مٶلشەرٸ, تٶلەۋ تەرتٸبٸ مەن مەرزٸمدەرٸ تاراپتاردىڭ كەلٸسۋٸ بويىنشا بەلگٸلەنەدٸ.
