Aqtóbelik muǵalimder qashyqtan sabaq bergen kezde jaryq, internet jelisine tólegen aqyny óndirip aldy, dep habarlaidy "Ult aqparat".
Aqtóbe oblysynyń prokýratýrasy 2020 jyldyń 1-sáýirinen bastap 15 myńnan astam muǵalimniń qashyqtan sabaq bergenin anyqtady.
Barlyǵy 138 myńnan astam oqýshy onlain bilim alǵan. Prokýratýra muǵalimderdiń shyǵynyn eseptep, birneshe zańsyzdyqty anyqtady.
«Eńbek kodeksiniń 138-babyna sáikes jumys berýshi jumyskerge kommýnikatsiia quraldaryn (bailanys quraldaryn) beredi jáne olardy ornatý men olarǵa qyzmet kórsetý jónindegi shyǵystardy óteidi. Qyzmetker óziniń kommýnikatsiia quraldaryn turaqty negizde paidalanǵan jaǵdaida jumys berýshi ótemaqy tóleidi. Onyń mólsheri men tóleý tártibi qyzmetkermen kelisim boiynsha belgilenedi. Máselen, Aqtóbe oblysy Qobda orta mektebiniń aǵylshyn tili muǵalimi A.Qyzylǵulova sáýir-mamyr aralyǵynda elektr energiiasyna, internetke jáne basqa da kommýnaldyq shyǵystarǵa 2000 teńge artyq aqy tólegen «, - dep habarlady Aqtóbe oblysy prokýratýrasynyń baspasóz qyzmeti.
Prokýratýra tekserýinen soń 10,2 mln teńge shyǵyn óteldi. Óńirde 15 myńnan astam pedagogtyń quqyǵy qorǵaldy.
