Elordalyq Bilim basqarmasynyń basshysy Sholpan Qadyrova karantindik rejimde qansha qarajat únemdelgenin aityp berdi, dep habarlaidy QazAqparat.
«Qashyqtan oqytylǵan úshinshi-tórtinshi toqsanda bizde 1,5 mlrd teńge únemdeldi. Onyń 549 mln teńgesine kóp balaly jáne az qamtylǵan otbasy balalary úshin 2 613 noýtbýk pen sheksiz interneti bar 5 200 roýter satyp aldyq. Osylaisha, qashyqtan oqytý máselesin sheshtik. Qalǵan 600 mln teńgeni bilim berý uiymdaryn beinebaqylaýmen jabdyqtaýǵa jumsaýdy josparlap otyrmyz», - dedi basqarma basshysy «ANTIKOR» ortalyǵynda ótken onlain konferentsiiada.
Onyń aitýynsha, sońǵy úsh jylda bilim berý uiymdarynyń basshylary arasynda 7 jemqorlyq faktisi anyqtalǵan.
«Onyń árqaisysy boiynsha aldyn alý jáne jaýapqa tartý sharalary júrgizilip jatyr. Qylmystyń aldyn alý boiynsha dástúrli ádistermen qatar, birneshe jańa jobalar da jasaldy. Bilim berý basqarmasy men astanalyq Sybailas jemqorlyqqa qarsy departament arasynda yntymaqtastyq týraly memorandým bekitilgen. Memorandým boiynsha, uos uiym mektepke deiingi, orta jáne tehnikalyq bilim berýdegi sybailas jemqorlyq faktilerin birge anyqtaidy», - dedi Sh. Qadyrova.
