Biyl elimizde ǵana emes, álemge aýyr soqqan pandemiia áserinen kóp jaǵdailar oryn alyp, kóp sala kenjelep qalyp otyr. Onyń ishinde bilim salasy da kóp ózgeriske ushyrady. Barlyq bilim berý mekemeleri esikterine qara qulyp salyp, bilim alýshylardy onlain oqyta bastady. Al biylǵy oqy jylynyń ekinshi toqsany qalai jalǵaspaq? Bul týraly sanitarlyq-epidemiologiialyq baqylaý komitetiniń tóraǵasy Aijan Esmaǵambetova málimdedi, - dep habarlaidy «Ult aqparat».
Bas mamannyń aitýynsha, oqý jylynyń basynda bilim berý formatyna qatysty qyzý pikirtalastar bolǵan. Qazirgi statistika qashyqtan oqytýdyń tiimdiligin kórsetip otyr.
«Qazirgi epidemiologiialyq jaǵdaidy eskere otyryp, densaýlyq saqtaý ministrliginiń usynystary ózgergen joq, iaǵni, bilim berý onlain-rejimde júrgiziledi. Oflain-rejim tek 1-4 synyptar men 180 balaǵa deiingi shaǵyn mektepter úshin ǵana saqtalyp otyr», - dedi sanitarlyq-epidemiologiialyq baqylaý komitetiniń tóraǵasy Aijan Esmaǵambetova.
Sonymen qatar, Qazaqstan Respýblikasy Bilim jáne ǵylym ministrliniń habarlaýynsha, ekinshi toqsanda 1,2 million oqýshy mektepke baryp oqidy. Belgili bolǵanyndai, respýblikada barlyǵy 3,4 million oqýshy bar, olardyń basym bóligi – 2,2 milliony qashyqtan oqýdy jalǵastyrady.
Bilim jáne ǵylym ministrligi aitqan statistikadan baiqalǵandai, Qazaqstanda ekinshi toqsanda mektepke baryp oqityn oqýshylardyń sany artady.
Ekinshi toqsanda eki format boiynsha bilim alatyn balalardyń boljamdy sany:
qashyqtan oqytý formatynda – 2,2 million;
dástúrli formatta – 1,2 million, onyń ishinde:
- 800 myńnan astam bala kezekshi synyptarda (1-5 synyp),
- shaǵyn jinaqty 4010 mektepte 434 myń oqýshy,
-13 halyqaralyq mektepte 3 myńǵa jýyq bala (1-7 synyp) oqidy.
Aita keteiik, qazirgi tańda Qazaqstanda 3,4 million bala bilim alyp jatyr: qashyqtan oqytý formatynda – 2,4 million; dástúrli formatta – 953 myń, onyń ishinde 647 myń bala kezekshi synyptarǵa (1-4 synyp), shaǵyn jinaqty 3047 mektepke 306 myń oqýshy baryp júr.
Belgili bolǵanyndai, komissiia birqatar sheshim qabyldady: atap aitqanda ekinshi toqsannan bastap oqýshylar sany 300-ge jetpeitin qala jáne aýyl mektepteri dástúrli formatqa kóshiriletin boldy. Ata-analardyń ótinishi boiynsha 1-den 5-synypqa deiin, halyqaralyq mektepterde 7-synypqa deiin kezekshi synyptarda oqýǵa ruqsat etildi.
Aita keteiik, buǵan deiin Bilim jáne ǵylym ministrligi dástúrli bilimge berýge kóshýge qatysty birneshe usynys jasaǵan bolatyn. Olar densaýlyq saqtaý ministrliginde qaralatyn bolady.
«Bilim ministrligi de ata-analar men pedagogtar siiaqty mektepterdiń jumysyn shtattyq rejimde qalpyna keltirýdi qalaidy. Osyǵan bailanysty biz sanitarlyq-epidemiologiialyq jaǵdaiǵa qarai dástúrli bilimge kóshýdiń birneshe jolyn usyndyq», - dedi vitse-ministr Sholpan Karinova ortalyq kommýnikatsiialar qyzmetinde ótken onlain brifingte.
Al sanitarlyq-epidemiologiialyq baqylaý komitetiniń tóraǵasy Aijan Esmaǵambetovanyń aitýynsha, qandai jaǵdaida da sanitarlyq atalpatrdyń saqtalǵany durys. Sebebi kei mektepterdegi kezekshi synyptardyń ózinen oqýshylardyń aýyra bastaǵany baiqalady. Mundai jaǵdaida eshqandai táýekelge barmai, qashyqtan oqytý men onlain bilim berýdi jalǵastyrǵan abzal. Al keler jylǵy jaǵdaidy tipti boljaýǵa kelmeidi. Sebebi epideomologiialyq jaǵdaidyń qalai jalǵasary belgisiz. Sondyqtan ár nársege sabyr etýdi usynady jaýapty mamandar.
Esterińizge keteiik, biyl elimizde ǵana emes, álemge aýyr soqqan pandemiia áserinen kóp jaǵdailar oryn alyp, kóp sala kenjelep qalyp otyr. Onyń ishinde bilim salasy da kóp ózgeriske ushyrady. Barlyq bilim berý mekemeleri esikterine qara qulyp salyp, bilim alýshylardy onlain oqyta bastady. Al biylǵy oqy jylynyń ekinshi toqsany qalai jalǵaspaq? Bul týraly sanitarlyq-epidemiologiialyq baqylaý komitetiniń tóraǵasy Aijan Esmaǵambetova málimdegen bolatyn. Onyń aitýnysha, qazirgi epidemiologiialyq jaǵdaidy eskere otyryp, densaýlyq saqtaý ministrliginiń usynystary ózgergen joq, iaǵni, bilim berý onlain-rejimde júrgiziledi. Oflain-rejim tek 1-4 synyptar men 180 balaǵa deiingi shaǵyn mektepter úshin ǵana saqtalyp otyr.
