2017 jyldyń sońyna qarai Qashaǵanda munai óndirý deńgeiin táýligine 370 myń barrelge deiin ulǵaitý josparlanyp otyr.
Al jańa tehnologiiany iske qosý arqyly munaidy ótkizý kórsetkishin táýligine 450 myń barrelge jetkizýge múmkindik bar. Bul týraly búgin «QazMunaiGaz» AQ 2016 jylǵy óndiristik-qarjylyq nátijeler men bir jylǵa arnalǵan josparlary týraly brifingte «QazMunaiGaz» ulttyq kompaniiasynyń basshysy Saýat Myńbaev málimdedi.
«Biz jyl sońyna deiin Qashaǵandaǵy munai óndirý kólemin táýligine 300-370 myń barrelge deiin jetkizý josparlap otyrmyz. Al ondaǵy jerústi infraqurylym jelileri arqyly shikizatty ótkizý kórsetkishin taǵy da ulǵaitýǵa múmkindik bar. Qazirgi ýaqytta gazdy keri aidaý arqyly munaidy kóptep óndirý tehnologiiasy qarastyrylýda jáne osy jobanyń ońtaily tujyrymdamasyn tańdaý boiynsha jumystar júrýde. Alaida, ázirge naqty sheshim qabyldanbady. Konsortsiým quziretti organǵa tiisti usynystaryn ázirlep jatyr. Joba iske asqan jaǵdaida, infraqurylym jelileri arqyly munaidy ótkizý qarqynyn táýligine 450 myń barrelge jetkizýge bolady. Al Qashaǵannyń qazirgi munai óndirýdiń eń joǵary kólemi táýligine 370 myń barreldi qurap otyr», - dep atap ótti «QazMunaiGaz» UK» AQ basqarma tóraǵasy Saýat Myńbaev búgingi baspasóz máslihatynda.
Aita keteiik, 2016 jylǵy 1 qarashada Qashaǵanda kommertsiialyq óndirýdiń bastalǵany jaiynda habarlanǵan edi. Óndirýdi qaita bastaǵannan beri 2 mln. tonnadan astam munai jáne 1 mlrd. astam m3 gaz óndirildi.
