1 maýsymnan bastap NCOC kompaniiasy josparly-aldyn alý maqsatyndaǵy jóndeý jumystaryn júrgizýge bailanysty Qashaǵan ken ornynyń teńiz jáne qurlyq keshenderindegi óndiristik nysandarynyń jumysyn toqtatady. Bul týraly kompaniia saitynda habarlandy.
Kompaniia málimetinshe, josparly-aldyn alý maqsatyndaǵy jóndeý - anaǵurlym mańyzdy is-sharalardyń biri jáne ol birneshe jylda bir ret normativtik talaptarǵa jáne óndiristik qajettilikterge sáikes jóndeý jumystaryn júrgizý úshin óndiristi qysqa kezeńge tolyq toqtatýdy kózdeidi.
"Qashaǵan ken orny óndiristik nysandarynyń josparly-aldyn alý maqsatyndaǵy jóndeý óndirý júiesiniń tutastyǵy men qaýipsizdigin qamtamasyz etý jónindegi sharalardyń, QR normativtik quqyqtyq aktilerimen belgilengen mindetti is-sharalar men inspektsiialardyń júzege asyrylýyn, sonymen qatar ónimdilikti jáne óndirý júiesiniń senimdiligin ońtailandyrý men odan ári arttyrýǵa arnalǵan birqatar jumystar men jobalardyń oryndalýyn kózdeidi. Kólemi 2 million adam-saǵattan asatyn aýqymdy jumystardy 45 kún ishinde oryndaý josparlanyp otyr", - delingen habarlamada.
