Foto: «QazaqGaz» UK» AQ
QR Energetika ministri Almasadam Sátqaliev Qazaqstannyń Qashaǵan ken ornyn igerýshi alpaýyt kompaniialarǵa qoiǵan talap-aryzyna qatysty túsinik berdi, dep habarlaidy "Ult aqparat" Kazinform-ǵa silteme jasap.
Buǵan deiin osy máselege qatysty tolyq aqparat biylǵy kúzde jariialanatyny aitylǵan.
Alaida ministr bul baǵyttaǵy protsess jalǵasyp jatqanyn atap ótti.
«Belgili bir protsedýralar bar. Osyǵan deiin tiisti tyńdaýlar júrip jatqanyn, Halyqaralyq tribýnal taraptardyń ustanymdaryn qarastyryp jatqanyn aittym. Munyń bári biylǵy kúzdiń ekinshi jartysynda aiaqtalyp, biraz aqparat jariialanady dep josparlaǵan edik. Ókinishke qarai, atalǵan tyńdaýlar áli jalǵasyp jatyr. Osy rásimder naqty qashan aiaqtalatyny belgisiz. Bul másele halyqaralyq sottardyń quzyretinde», - dedi Almasadam Sátqaliev Parlament Májilistegi Úkimet saǵatynan keiin tilshiler suraǵyna jaýap bere otyryp.
Eske salsaq, biyl jazda Qazaqstan tarapy Qashaǵan ken ornyn igerýshi alpaýyt kompaniialarǵa qoiǵan talap somasyn 150 mlrd dollardan 160 mlrd dollarǵa deiin ulǵaitqany belgili bolǵan edi.
