Qashaǵan ken ornyn tolyq kólemde igerý tujyrymdamasyn ázirleýge daiyndyq júrgizilip jatyr. Bul týraly QR Energetika ministrliginiń alqa májilisinde vedomstvo basshysy Nurlan Noǵaev málim etti, dep habarlaidy "Ult aqparat".
«Qashaǵan jobasyn iske asyrýǵa memlekettiń tiimdi qatysýy týraly Sheteldik investorlar keńesi aiasyndaǵy Memleket basshysynyń hattamalyq tapsyrmasyna (2020 jylǵy 18 qarasha) sáikes biyl Qashaǵan ken ornynyń shikizaty negizinde quny 860 mln AQSh dollary, qýaty 1,150 mlrd m3 Gaz óńdeý zaýytynyń qurylysyn bastaý josparlanýda. Osy jobany iske asyrýdan kútiletin nátije – qosymsha 800 mln m3 taýarlyq gaz óndirý jáne jańa jumys oryndaryn qurý, sondai-aq munai óndirý kólemin qosymsha 10 mln tonnaǵa deiin ósirý», - dedi ministr.
Onyń aitýynsha, buǵan qosa, Qashaǵan ken ornyn tolyq kólemde igerý tujyrymdamasyn ázirleýge daiyndyq júrgizilip jatyr. Qazirgi ýaqytta tájiribelik-ónerkásiptik igerý kezeńiniń barlyq nysandary paidalanýǵa berildi, olardyń óndiristik qýaty táýligine 400 myń barreldi qurap otyr. «Degenmen, Ministrlik 2020 jylǵy mamyr aiynan bastap engizgen shekteýlerge bailanysty ortasha táýliktik óndirý 280 myń barrel deńgeiinde tur. Operatormen birlesip, biz osy jyldyń sońyna deiin Odan ári keńeitý tujyrymdamasyn pysyqtaýymyz kerek», - dedi N. Noǵaev.
