قاشاعان كەن ورنىن تولىق كٶلەمدە يگەرۋ تۇجىرىمداماسىن ەزٸرلەۋگە دايىندىق جٷرگٸزٸلٸپ جاتىر. بۇل تۋرالى قر ەنەرگەتيكا مينيسترلٸگٸنٸڭ القا مەجٸلٸسٸندە ۆەدومستۆو باسشىسى نۇرلان نوعاەۆ مەلٸم ەتتٸ, دەپ حابارلايدى "ۇلت اقپارات".
«قاشاعان جوباسىن ٸسكە اسىرۋعا مەملەكەتتٸڭ تيٸمدٸ قاتىسۋى تۋرالى شەتەلدٸك ينۆەستورلار كەڭەسٸ اياسىنداعى مەملەكەت باسشىسىنىڭ حاتتامالىق تاپسىرماسىنا (2020 جىلعى 18 قاراشا) سەيكەس بيىل قاشاعان كەن ورنىنىڭ شيكٸزاتى نەگٸزٸندە قۇنى 860 ملن اقش دوللارى, قۋاتى 1,150 ملرد م3 گاز ٶڭدەۋ زاۋىتىنىڭ قۇرىلىسىن باستاۋ جوسپارلانۋدا. وسى جوبانى ٸسكە اسىرۋدان كٷتٸلەتٸن نەتيجە – قوسىمشا 800 ملن م3 تاۋارلىق گاز ٶندٸرۋ جەنە جاڭا جۇمىس ورىندارىن قۇرۋ, سونداي-اق مۇناي ٶندٸرۋ كٶلەمٸن قوسىمشا 10 ملن تونناعا دەيٸن ٶسٸرۋ», - دەدٸ مينيستر.
ونىڭ ايتۋىنشا, بۇعان قوسا, قاشاعان كەن ورنىن تولىق كٶلەمدە يگەرۋ تۇجىرىمداماسىن ەزٸرلەۋگە دايىندىق جٷرگٸزٸلٸپ جاتىر. قازٸرگٸ ۋاقىتتا تەجٸريبەلٸك-ٶنەركەسٸپتٸك يگەرۋ كەزەڭٸنٸڭ بارلىق نىساندارى پايدالانۋعا بەرٸلدٸ, ولاردىڭ ٶندٸرٸستٸك قۋاتى تەۋلٸگٸنە 400 مىڭ باررەلدٸ قۇراپ وتىر. «دەگەنمەن, مينيسترلٸك 2020 جىلعى مامىر ايىنان باستاپ ەنگٸزگەن شەكتەۋلەرگە بايلانىستى ورتاشا تەۋلٸكتٸك ٶندٸرۋ 280 مىڭ باررەل دەڭگەيٸندە تۇر. وپەراتورمەن بٸرلەسٸپ, بٸز وسى جىلدىڭ سوڭىنا دەيٸن ودان ەرٸ كەڭەيتۋ تۇجىرىمداماسىن پىسىقتاۋىمىز كەرەك», - دەدٸ ن. نوعاەۆ.
