Qarjylyq monitoring agenttigi óz qatarynda zańsyz oiyn biznesine qorǵanshylyq jasaýdyń eki deregin anyqtady, dep habarlaidy "Ult aqparat".
Qarjylyq monitoring agenttigi óz qataryndaǵy buzýshylyqtarmen turaqty túrde kúres júrgizip, memlekettik qyzmettiń bedelin túsiretin kez kelgen árekettiń jolyn kesedi.
Agenttiktiń jeke qaýipsizdik departamenti maýsym aiynda qylmyskerlerdiń zańǵa qaishy áreketine qyzmetkerlerdiń kómek kórsetýiniń eki deregin anyqtady.
Jedel-tergeý sharalaryn júrgizý barysynda zańsyz oiyn biznesine qamqorlyq jasaǵany úshin Almaty qalasy boiynsha aýmaqtyq departamenttiń jedel ýákili ustaldy.
Osyǵan uqsas derek Aqtóbe oblysynda anyqtaldy, munda ETD tergeýshisi qamqorshylyqtan basqa, aqshalai syiaqy alǵan.
Kúdiktiler 2 aiǵa qamaýǵa alyndy.
Ózge málimet tergeý múddesine orai jariialanýǵa jatpaidy.
«Qurmetti azamattar! Eger Sizge osyndai faktiler belgili bolsa, Agenttiktiń senim telefony arqyly: +7 (7172) 708-478 nemese áleýmettik jelilerdegi akkaýnttar arqyly habarlaýdy suraimyz» dep eskertedi agenttik.
