Foto: Aqorda
Memleket basshysy Qasym-Jomart Toqaev Qarjylyq monitoring agenttiginiń tóraǵasy Janat Elimanovty qabyldap, vedomstvo qyzmetiniń negizgi nátijeleri men aldaǵy mindetterimen tanysty, dep habarlaidy Ult.kz.
Janat Elimanovtyń aitýynsha, Agenttik sońǵy kezeńde:
-
24 mlrd teńgeden astam qarajatty qolma-qol aqshaǵa ainaldyrǵan jalǵan kompaniialardy anyqtady;
-
esirtki satýdan jáne alaiaqtyqtan túsken tabystardy zańdastyrǵan 20 zańsyz kriptobirjanyń jumysyn toqtatty;
-
TMD aýmaǵyndaǵy eń iri kriptoservis joiyldy. Ol 20 Darknet alańymen bailanysyp, 200-den astam «narkoshopty» qamtyǵan. Nátijesinde 9,7 mln dollar kólemindegi virtýaldy aktiv buǵattaldy.
Sonymen birge agenttik:
-
720 qylmystyq isti aiaqtap, 15 uiymdasqan qylmystyq topty (onyń ishinde 3 transulttyq) joidy;
-
17,1 mlrd teńgeniń munai ónimderin zańsyz shyǵarý áreketiniń jolyn kesti;
-
zańsyz alkogol jáne temeki ónimderin daiyndaǵan 18 tsehty áshkereledi;
-
kóleńkeli ainalymnan 12 mlrd teńgeniń veip ónimderin tárkiledi.
Biýdjet qarjysyn maqsatsyz paidalaný derekteri de anyqtaldy:
-
jalpy quny 164 mlrd teńge bolatyn 63 infraqurylymdyq jobadaǵy zań buzýshylyqtar;
-
aýyl sharýashylyǵyna bólingen 11 mlrd teńge sýbsidiiasynyń tiimsiz jumsalýy;
-
Biryńǵai jinaqtaýshy zeinetaqy qorynan jalǵan stomatologiialyq qyzmet kórsetý arqyly 200 mlrd teńge zańsyz shyǵarylǵan faktiler.
Agenttik azamattardyń qarjylyq qaýipsizdigin qorǵaýǵa da erekshe kóńil bólýde.
-
Zańsyz mikronesiege qatysty 23 is qozǵalyp, shyǵyny 71 mlrd teńgeni qurady;
-
300 myńnan astam qaryz alýshynyń bereshegin qaitarý jáne esepten shyǵarý sharalary júrgizilýde;
-
45 qarjy piramidasy taratylyp, 112 myńnan astam azamattyń múddesi qorǵaldy;
-
alaiaqtyq jobalar men qumar oiyndarǵa qatysy bar 31,5 myń sait buǵattaldy.
Prezident vedomstvonyń atqarǵan jumystaryn baǵalap, qarjylyq qaýipsizdikti qamtamasyz etýge jáne azamattardyń múddesin qorǵaýǵa baǵyttalǵan birqatar tapsyrma berdi.
