Foto: elements.envato.com
Qazaqstanda qarjy piramidasyn jarnamalaǵan blogerler qylmystyq jaýapkershilikke tartylyp, 7 jylǵa deiin bas bostandyǵynan aiyrylýy múmkin. Bul týraly Májilis depýtaty Iýrii Li málimdedi, - dep habarlaidy Tengrinews.kz agenttigi.
Májilis otyrysynda depýtat Daniia Espaeva blogerler, vainerler jáne basqa da qoǵamdyq pikir kóshbasshylary qazaqstandyqtardy qarjy piramidasyna tartqany týraly aitty.
"Qarastyrylyp jatqan zań jobasy aiasynda bastamashylar qarjy piramidalaryn jarnamalaǵany úshin jaýapkershilikti qatańdatýdy usynyp otyr. Biraq Qylmystyq kodekstiń keibir normalarynyń keibir sanktsiialary qataitylyp, jańa 217-bap engizilip jatyr, birinshi - eskertý, ol: "Qarjy, investitsiia piramidalaryn jarnamalaý" dep atalady. Aityńyzshy, engizilip jatqan ózgerister tanymal tulǵalardyń jarnamadaǵy aila-sharǵysynyń aldyn ala ma" - dep surady Espaeva.
Depýtat Iýrii Li zań jobasynda usynylyp otyrǵan shara qarjy piramidalary siiaqty qubylysqa naqty zańnamalyq jaýap ekenin aitty. Onyń oiynsha, bap engizilgennen keiin "belgili adamdar, blogerler, vainerler jáne basqa da qoǵamdyq pikir kóshbasshylary belgili bir qarjylyq ónimderdi jarnamalaý kezinde áldeqaida saq jáne jaýapty bolady".
"Bul úshin (qarjy piramidalaryn jarnamalaý - esk.) qylmystyq jaýapkershilik qarastyrylǵan. Anyqtama úshin, birinshi bólimge sáikes, bul áreket 2000 AEK (2022 jyly 6 million 126 myń teńge - esk.) mólsherinde aiyppul salý nemese 600 saǵatqa deiin qoǵamdyq jumystarǵa tartý jáne shekteý, eki jylǵa deiin bas bostandyǵynan aiyrý túrinde jazalanýy múmkin. 4-bóligi - biliktilik quramy. Onda qylmystyq jaza múlikti tárkilei otyryp 3 jyldan 7 jylǵa deiin bas bostandyǵynan aiyrý bolýy múmkin. Sondyqtan, bul óte qatań aldyn alý sharasy. Biraq, árine, quqyq qorǵaý organdarynyń qyzmeti men elimizdegi qarjylyq saýattylyq deńgeiiniń aitarlyqtai artýy týraly umytpaý kerek", - dep jaýap berdi Iýrii Li.
