kollaj: Sputnik
Vainerler Meiirjan Tórebaev pen Meiirhan Sherniiazov tergeý sotynyń qaýlysy boiynsha taǵy eki aiǵa qamaldy, dep habarlaidy Sputnik Qazaqstan.
Aqparatty Almaty qalalyq sotynyń baspasóz qyzmeti rastady.
Munyń aldynda Tórebaev pen Sherniiazov 10 kúnge qamaýǵa alynǵan.
"Tergeý sotynyń qaýlysymen sotqa deiingi tergeý organdarynyń ótinishi qanaǵattandyryldy. Tórebaev pen Sherniiazovqa qatysty kúzetpen ustaý túrindegi bultartpaý sharasy 2 aiǵa uzartyldy", - delingen aqparatta.
Olar Qylmystyq kodekstiń 217-baby 3-bóligi 2-tarmaǵy ("qarjy piramidasyn qurý jáne oǵan basshylyq etý") boiynsha kúdikti dep tanylǵan.
2022 jyldyń 10 aqpanynda Almaty qalasy tergeý sotynyń qaýlysymen sotqa deiingi tergep-tekserý organynyń Tórebaev pen Sherniiazovqa qatysty 1000 AEK (3 063 000 teńge) mólsherinde kepil túrindegi bultartpaý sharasyn sanktsiialaý týraly ótinishhaty qanaǵattandyrylǵany habarlandy.
Kúdiktilerdiń biri Azimjan Saidbaevtyń qaida ekeni belgisiz bolǵandyqtan, syrttai qamaýǵa alynǵan.
