Fingramota.kz saity qazaqstandyqtardy qarjylyq piramidalardyń jańa tásili paida bolǵanyn eskertti, dep habarlaidy "Ult aqparat".
Saittyń jazýynsha, qarjy piramidalary tegin oqytý kýrstaryn usynýǵa kóshken. Buǵan deiin olar kóbinese zańmen tyiym salynbaǵan jelilik marketingtiń, tutyný kooperativteri men kraýdfanding platformalarynyń, Forex-tiń atyn jamylyp jumys isteitin.
«Kóp jaǵdaida mundai uiymdar Qazaqstanda tirkelmegen. Kerisinshe, kóptegen alaiaqtyq shemalar ózderiniń shetelde tirkelýin artyqshylyq etip kórsetýge tyrysady. Bas prokýratýranyń derekteri boiynsha sońǵy bes jylda mundai faktiler – 619, al ótken bir jylda - 181 bolǵan.
Keiingi kezde qosymsha quzyretter men tegin bilim usynatyn uiymdar tanymal bolyp tur. Ózderin blokchein tehnologiialary men ortalyqtandyrylmaǵan qarjy týraly bilim berý ortalyqtary retinde kórsetetin uiymdar óz qyzmetin belsendi túrde jarnamalap júr. Olar qarjylyq tehnologiialar men quraldarǵa, negizinen, tegin investitsiialaý boiynsha oqytý baǵdarlamalaryn «júrgizedi». Oqýdan ótkennen keiin klientke óz qarajatyn oqytý ortalyǵy ázirlegen treidingtik platformaǵa ornalastyrý usynylady», -dep sipattaidy Fingramota.kz.
Aqparattyq resýrs áleýmettik jeliler arqyly óz qyzmetterin belsendi túrde jarnamalap júrgen MarketPeak uiymynan saq bolýdy kerektigin eskertedi.
«Kompaniia BAÁ-de tirkelgen. Degenmen, Qazaqstandaǵy qarjylyq retteýshiniń saitynda bul kompaniiaǵa litsenziia berý týraly aqparat joq. Iaǵni, onyń QR aýmaǵynda qarjylyq qyzmetke litsenziiasy nemese ózge de ruqsat qujattary joq. Qarjy uiymy retinde tirkelmegendikten, bólimsheleri bolý múmkin emes. Aqsha taratyp, qarjylyq qyzmetter kórsetýge, onyń ishinde Qazaqstannyń baǵaly qaǵazdar naryǵynda jumys isteýge quqyǵy joq», - deidi avtor.
Saittyń málimeti boiynsha, tegin oqytýdy ótkizgennen keiin MarketPeak kompaniiasy azamattarǵa naryqtyq quraldarǵa emes, jeke treidingtik platformaǵa investitsiia salýdy usynady. Osylaisha kiristilik shetel valiýtasynda aiyna 20% - dan 30% - ǵa deiin degen aqparatpen aldandyrady.
«Alaida, kompaniiaǵa salǵan qarajattyń qaitatynyna eshqandai kepildik joq», - dep jazylǵan materialda.
