Fingramota.kz سايتى قازاقستاندىقتاردى قارجىلىق پيراميدالاردىڭ جاڭا تەسٸلٸ پايدا بولعانىن ەسكەرتتٸ, دەپ حابارلايدى "ۇلت اقپارات".
سايتتىڭ جازۋىنشا, قارجى پيراميدالارى تەگٸن وقىتۋ كۋرستارىن ۇسىنۋعا كٶشكەن. بۇعان دەيٸن ولار كٶبٸنەسە زاڭمەن تىيىم سالىنباعان جەلٸلٸك ماركەتينگتٸڭ, تۇتىنۋ كووپەراتيۆتەرٸ مەن كراۋدفاندينگ پلاتفورمالارىنىڭ, Forex-تٸڭ اتىن جامىلىپ جۇمىس ٸستەيتٸن.
«كٶپ جاعدايدا مۇنداي ۇيىمدار قازاقستاندا تٸركەلمەگەن. كەرٸسٸنشە, كٶپتەگەن الاياقتىق سحەمالار ٶزدەرٸنٸڭ شەتەلدە تٸركەلۋٸن ارتىقشىلىق ەتٸپ كٶرسەتۋگە تىرىسادى. باس پروكۋراتۋرانىڭ دەرەكتەرٸ بويىنشا سوڭعى بەس جىلدا مۇنداي فاكتٸلەر – 619, ال ٶتكەن بٸر جىلدا - 181 بولعان.
كەيٸنگٸ كەزدە قوسىمشا قۇزىرەتتەر مەن تەگٸن بٸلٸم ۇسىناتىن ۇيىمدار تانىمال بولىپ تۇر. ٶزدەرٸن بلوكچەين تەحنولوگييالارى مەن ورتالىقتاندىرىلماعان قارجى تۋرالى بٸلٸم بەرۋ ورتالىقتارى رەتٸندە كٶرسەتەتٸن ۇيىمدار ٶز قىزمەتٸن بەلسەندٸ تٷردە جارنامالاپ جٷر. ولار قارجىلىق تەحنولوگييالار مەن قۇرالدارعا, نەگٸزٸنەن, تەگٸن ينۆەستيتسييالاۋ بويىنشا وقىتۋ باعدارلامالارىن «جٷرگٸزەدٸ». وقۋدان ٶتكەننەن كەيٸن كليەنتكە ٶز قاراجاتىن وقىتۋ ورتالىعى ەزٸرلەگەن ترەيدينگتٸك پلاتفورماعا ورنالاستىرۋ ۇسىنىلادى», -دەپ سيپاتتايدى Fingramota.kz.
اقپاراتتىق رەسۋرس ەلەۋمەتتٸك جەلٸلەر ارقىلى ٶز قىزمەتتەرٸن بەلسەندٸ تٷردە جارنامالاپ جٷرگەن MarketPeak ۇيىمىنان ساق بولۋدى كەرەكتٸگٸن ەسكەرتەدٸ.
«كومپانييا باە-دە تٸركەلگەن. دەگەنمەن, قازاقستانداعى قارجىلىق رەتتەۋشٸنٸڭ سايتىندا بۇل كومپانيياعا ليتسەنزييا بەرۋ تۋرالى اقپارات جوق. ياعني, ونىڭ قر اۋماعىندا قارجىلىق قىزمەتكە ليتسەنزيياسى نەمەسە ٶزگە دە رۇقسات قۇجاتتارى جوق. قارجى ۇيىمى رەتٸندە تٸركەلمەگەندٸكتەن, بٶلٸمشەلەرٸ بولۋ مٷمكٸن ەمەس. اقشا تاراتىپ, قارجىلىق قىزمەتتەر كٶرسەتۋگە, ونىڭ ٸشٸندە قازاقستاننىڭ باعالى قاعازدار نارىعىندا جۇمىس ٸستەۋگە قۇقىعى جوق», - دەيدٸ اۆتور.
سايتتىڭ مەلٸمەتٸ بويىنشا, تەگٸن وقىتۋدى ٶتكٸزگەننەن كەيٸن MarketPeak كومپانيياسى ازاماتتارعا نارىقتىق قۇرالدارعا ەمەس, جەكە ترەيدينگتٸك پلاتفورماعا ينۆەستيتسييا سالۋدى ۇسىنادى. وسىلايشا كٸرٸستٸلٸك شەتەل ۆاليۋتاسىندا ايىنا 20% - دان 30% - عا دەيٸن دەگەن اقپاراتپەن الداندىرادى.
«الايدا, كومپانيياعا سالعان قاراجاتتىڭ قايتاتىنىنا ەشقانداي كەپٸلدٸك جوق», - دەپ جازىلعان ماتەريالدا.
