QR qarjy ministri Erulan Jamaýbaev QR Úkimetiniń otyrysynda Prezident tapsyrmalarynyń jedel oryndalýyn qamtamasyz etý boiynsha Qarjy ministrligi qabyldaǵan sharalary týraly baiandady, dep habarlaidy primeminister.kz saity.
Tsifrlandyrý boiynsha sharalar
Ministrdiń málimetinshe, biznestiń qarsy mindettemelerin tsifrlyq baqylaýdy qamtamasyz etý úshin Jobalyq ofis qurylyp, tiisti ádisnamalyq baza ázirlengen.
Bizneske júktelgen mindettemelerdiń oryndalýyn baqylaýdy eskere otyryp, memlekettik qoldaý sharalarynyń tiimdiligin sýbektilik taldaý jóninde taldamalyq derekter bazasyn qurý boiynsha jumystar júrgizilýde.
Óz kontragentterine derbes tekserý júrgizýge múmkindik beretin integratsiialanǵan derekter bazasyn qurý úshin «Atameken» Ulttyq kásipkerler palatasymen birlese otyryp zańnamalyq túzetýler ázirlendi.
«Olar Parlament Májilisinde qaralyp jatqan salyq salý jáne investitsiialyq klimatty jetildirý máseleleri jónindegi zań jobasyna engiziledi. Memlekettik organdardyń derekter bazasy men «Atameken» Ulttyq kásipkerler palatasy aqparattyq júielerin integratsiialaý júzege asyrylady», — dedi E. Jamaýbaev.
«Bizneske arnalǵan Úkimet» biryńǵai servisi boiynsha
Qarjy ministrligi Ulttyq ekonomika ministrligimen birlesip máseleni normativtik rettedi. SmartBridge platformasynda ornalastyrylǵan 910 «Shaǵyn biznes sýbektilerine arnalǵan deklaratsiia» salyq eseptiligi nysanyn qabyldaý boiynsha servis iske asyryldy.
Serviske «Atameken» Ulttyq kásipkerler palatasy qosylady. Qazirdiń ózinde oǵan 6 AT-kompaniia qosyldy jáne 17-si testileýden ótýde. Biylǵy qyrkúiek aiynda bul servis tolyqqandy jumys isteitin bolady.
Aktivterdi odan ári ekonomikalyq ainalymǵa tartý maqsatynda Problemalyq kreditter qory olardy basqarý jáne iske asyrý boiynsha is-sharalardy júzege asyrýda.
Qazir turǵyn úi qoryn, kommertsiialyq jyljymaityn múlikti jáne jyljymaly múlikti satý boiynsha sharalar qabyldanýda. 679 ga jer ýchaskesi ekonomikalyq ainalymǵa engizilýde. Jumys jandandyrylady.
Memlekettik baǵaly qaǵazdar naryǵyn damytý úshin ainalymdaǵy shyǵarylymdardyń sanyn qysqartý jáne olardyń kólemin iriletý jóninde jumys júrgizilýde.
Baǵaly qaǵazdardy J.P.Morgan halyqaralyq indeksine engizý úshin Ulttyq ekonomika ministrligimen, Ulttyq bankpen jáne Qarjy naryǵyn retteý jáne damytý agenttigimen birlesken is-qimyldar jospary bekitildi.
Shyǵystardy ońtailandyrý boiynsha
2021-2023 jyldarǵa arnalǵan respýblikalyq biýdjetti qalyptastyrý kezinde memlekettik organdar men kvazimemlekettik sektordyń shyǵystary ońtailandyrylady.
Atap aitqanda, mynalar kútilýde:
- issapar, ókildik shyǵyndardy, zattai múlikpen, tamaqpen qamtamasyz etýdi jáne t. b. qysqartý;
- institýtsionaldyq qaryzdar boiynsha shyǵystardy qysqartýmen olardyń tiimdiligin qaita qaraý;
- kvazimemlekettik sektordyń jekelegen sýbektileriniń ózin-ózi barynsha aqtaýyna kóshý;
- bastalǵan jobalardy aiaqtaý mindetin sheshýdi eskere otyryp, barlyq salada shynaiy infraqurylymdyq josparlar ázirleý;
- jergilikti biýdjetterdiń shyǵystaryn ońtailandyrý jáne t. b.
«Memleket qatysatyn aktsionerlik qoǵamdar men jaýapkershiligi shekteýli seriktestikterdiń respýblikalyq biýdjetke dividendter tóleýine keler bolsaq, ol jóninde Úkimettiń tiisti qaýlysy qabyldandy. Praktikalyq iske asyrý baqylaýda bolady», — dep qorytyndylady Erulan Jamaýbaev.
