قر قارجى مينيسترٸ ەرۇلان جاماۋباەۆ قر ٷكٸمەتٸنٸڭ وتىرىسىندا پرەزيدەنت تاپسىرمالارىنىڭ جەدەل ورىندالۋىن قامتاماسىز ەتۋ بويىنشا قارجى مينيسترلٸگٸ قابىلداعان شارالارى تۋرالى باياندادى, دەپ حابارلايدى primeminister.kz سايتى.
تسيفرلاندىرۋ بويىنشا شارالار
مينيستردٸڭ مەلٸمەتٸنشە, بيزنەستٸڭ قارسى مٸندەتتەمەلەرٸن تسيفرلىق باقىلاۋدى قامتاماسىز ەتۋ ٷشٸن جوبالىق وفيس قۇرىلىپ, تيٸستٸ ەدٸسنامالىق بازا ەزٸرلەنگەن.
بيزنەسكە جٷكتەلگەن مٸندەتتەمەلەردٸڭ ورىندالۋىن باقىلاۋدى ەسكەرە وتىرىپ, مەملەكەتتٸك قولداۋ شارالارىنىڭ تيٸمدٸلٸگٸن سۋبەكتٸلٸك تالداۋ جٶنٸندە تالدامالىق دەرەكتەر بازاسىن قۇرۋ بويىنشا جۇمىستار جٷرگٸزٸلۋدە.
ٶز كونتراگەنتتەرٸنە دەربەس تەكسەرۋ جٷرگٸزۋگە مٷمكٸندٸك بەرەتٸن ينتەگراتسييالانعان دەرەكتەر بازاسىن قۇرۋ ٷشٸن «اتامەكەن» ۇلتتىق كەسٸپكەرلەر پالاتاسىمەن بٸرلەسە وتىرىپ زاڭنامالىق تٷزەتۋلەر ەزٸرلەندٸ.
«ولار پارلامەنت مەجٸلٸسٸندە قارالىپ جاتقان سالىق سالۋ جەنە ينۆەستيتسييالىق كليماتتى جەتٸلدٸرۋ مەسەلەلەرٸ جٶنٸندەگٸ زاڭ جوباسىنا ەنگٸزٸلەدٸ. مەملەكەتتٸك ورگانداردىڭ دەرەكتەر بازاسى مەن «اتامەكەن» ۇلتتىق كەسٸپكەرلەر پالاتاسى اقپاراتتىق جٷيەلەرٸن ينتەگراتسييالاۋ جٷزەگە اسىرىلادى», — دەدٸ ە. جاماۋباەۆ.
«بيزنەسكە ارنالعان ٷكٸمەت» بٸرىڭعاي سەرۆيسٸ بويىنشا
قارجى مينيسترلٸگٸ ۇلتتىق ەكونوميكا مينيسترلٸگٸمەن بٸرلەسٸپ مەسەلەنٸ نورماتيۆتٸك رەتتەدٸ. SmartBridge پلاتفورماسىندا ورنالاستىرىلعان 910 «شاعىن بيزنەس سۋبەكتٸلەرٸنە ارنالعان دەكلاراتسييا» سالىق ەسەپتٸلٸگٸ نىسانىن قابىلداۋ بويىنشا سەرۆيس ٸسكە اسىرىلدى.
سەرۆيسكە «اتامەكەن» ۇلتتىق كەسٸپكەرلەر پالاتاسى قوسىلادى. قازٸردٸڭ ٶزٸندە وعان 6 ات-كومپانييا قوسىلدى جەنە 17-سٸ تەستٸلەۋدەن ٶتۋدە. بيىلعى قىركٷيەك ايىندا بۇل سەرۆيس تولىققاندى جۇمىس ٸستەيتٸن بولادى.
اكتيۆتەردٸ ودان ەرٸ ەكونوميكالىق اينالىمعا تارتۋ ماقساتىندا پروبلەمالىق كرەديتتەر قورى ولاردى باسقارۋ جەنە ٸسكە اسىرۋ بويىنشا ٸس-شارالاردى جٷزەگە اسىرۋدا.
قازٸر تۇرعىن ٷي قورىن, كوممەرتسييالىق جىلجىمايتىن مٷلٸكتٸ جەنە جىلجىمالى مٷلٸكتٸ ساتۋ بويىنشا شارالار قابىلدانۋدا. 679 گا جەر ۋچاسكەسٸ ەكونوميكالىق اينالىمعا ەنگٸزٸلۋدە. جۇمىس جانداندىرىلادى.
مەملەكەتتٸك باعالى قاعازدار نارىعىن دامىتۋ ٷشٸن اينالىمداعى شىعارىلىمداردىڭ سانىن قىسقارتۋ جەنە ولاردىڭ كٶلەمٸن ٸرٸلەتۋ جٶنٸندە جۇمىس جٷرگٸزٸلۋدە.
باعالى قاعازداردى J.P.Morgan حالىقارالىق يندەكسٸنە ەنگٸزۋ ٷشٸن ۇلتتىق ەكونوميكا مينيسترلٸگٸمەن, ۇلتتىق بانكپەن جەنە قارجى نارىعىن رەتتەۋ جەنە دامىتۋ اگەنتتٸگٸمەن بٸرلەسكەن ٸس-قيمىلدار جوسپارى بەكٸتٸلدٸ.
شىعىستاردى وڭتايلاندىرۋ بويىنشا
2021-2023 جىلدارعا ارنالعان رەسپۋبليكالىق بيۋدجەتتٸ قالىپتاستىرۋ كەزٸندە مەملەكەتتٸك ورگاندار مەن كۆازيمەملەكەتتٸك سەكتوردىڭ شىعىستارى وڭتايلاندىرىلادى.
اتاپ ايتقاندا, مىنالار كٷتٸلۋدە:
- ٸسساپار, ٶكٸلدٸك شىعىنداردى, زاتتاي مٷلٸكپەن, تاماقپەن قامتاماسىز ەتۋدٸ جەنە ت. ب. قىسقارتۋ;
- ينستيتۋتسيونالدىق قارىزدار بويىنشا شىعىستاردى قىسقارتۋمەن ولاردىڭ تيٸمدٸلٸگٸن قايتا قاراۋ;
- كۆازيمەملەكەتتٸك سەكتوردىڭ جەكەلەگەن سۋبەكتٸلەرٸنٸڭ ٶزٸن-ٶزٸ بارىنشا اقتاۋىنا كٶشۋ;
- باستالعان جوبالاردى اياقتاۋ مٸندەتٸن شەشۋدٸ ەسكەرە وتىرىپ, بارلىق سالادا شىنايى ينفراقۇرىلىمدىق جوسپارلار ەزٸرلەۋ;
- جەرگٸلٸكتٸ بيۋدجەتتەردٸڭ شىعىستارىن وڭتايلاندىرۋ جەنە ت. ب.
«مەملەكەت قاتىساتىن اكتسيونەرلٸك قوعامدار مەن جاۋاپكەرشٸلٸگٸ شەكتەۋلٸ سەرٸكتەستٸكتەردٸڭ رەسپۋبليكالىق بيۋدجەتكە ديۆيدەندتەر تٶلەۋٸنە كەلەر بولساق, ول جٶنٸندە ٷكٸمەتتٸڭ تيٸستٸ قاۋلىسى قابىلداندى. پراكتيكالىق ٸسكە اسىرۋ باقىلاۋدا بولادى», — دەپ قورىتىندىلادى ەرۇلان جاماۋباەۆ.
