Áleýmettiń jelilerde Qyrǵyz Respýblikasynyń aýmaǵynda «Aq Tilek avtojol» avtomobil ótkizý pýnktiniń (Qazaqstan tarapynan shektes ótkizý pýnkti – «Qarasý») aldynda júk avtokólik quraldarynyń jinalýy týraly aqparat paida boldy.
QR Qarjy ministrligi Memlekettik kirister komiteti baspasóz qyzmetiniń habarlaýynsha: «2021 jylǵy 30 shildedegi jaǵdai boiynsha Qyrǵyz Respýblikasy tarapynan «Qarasý» ótkizý pýnktindegi júk avtokólik quraldarynyń sany 50-80 birlikti quraidy, bul jemis-kókónis ónimderiniń pisetin maýsymyn eskere otyryp, kórsetilgen ótkizý pýnkti úshin shtattyq jaǵdai bolyp tabylady».
Jalpy, qazaqstan-qyrǵyz shekarasyndaǵy ótkizý pýnktteri shtattyq rejimde jumys isteidi, Memlekettik kirister organdarynyń aqparattyq júieleri tolyq kólemde jumys istep tur.
«Orta eseppen bir táýlik ishinde Qazaqstan Respýblikasynyń aýmaǵyna Qyrǵyz Respýblikasynan 300-350 avtokólik quralymen taýarlar jetkiziledi», - delingen habarlamada.
