Memlekettik kirister departamentiniń basshysy Janbolat Tileýlestiń qaramaǵyndaǵy qyzmetkerge qatysty sybailas jemqorlyq isinen keiin óz erkimen jumystan bosatý týraly ótinishi qanaǵattandyryldy. Qarjy ministrligi laýazymdy tulǵanyń jumystan bosatylýyna bailanysty túsinikteme berdi, dep habarlaidy QazAqparat.
Buǵan deiin Janbolat Tileýles qol astyndaǵy qyzmetkerler sybailas jemqorlyq daýyna ilikkennen keiin jumystan shyqqan bolatyn. Qarjy ministrligi Batys Qazaqstan oblysy boiynsha Memlekettik kirister departamentiniń basshysy bolǵan Janbolat Tileýlestiń 2021 jylǵy 14 qyrkúiekte Memlekettik kirister organdarynan óz qalaýy boiynsha jumystan ketkenin málim etti. Buǵan «Qazaqstan Respýblikasynyń memlekettik qyzmeti týraly» Qazaqstan Respýblikasy Zańynyń 9-baby 15) tarmaqshasy negiz bolǵan.
«Osyǵan bailanysty ózine senip tapsyrylǵan bólimshede sybailas jemqorlyqqa qarsy is-qimyldyń bolmaý faktisi boiynsha onyń tártiptik jaýapkershiligin qaraý múmkin emes», - dep jazylǵan vedomstvonyń túsindirmesinde.
Aita keteiik, Janbolat Tileýles bul jumystan bosatylǵanymen basqa memlekettik organdarda jumys istei alady.
