مەملەكەتتٸك كٸرٸستەر دەپارتامەنتٸنٸڭ باسشىسى جانبولات تٸلەۋلەستٸڭ قاراماعىنداعى قىزمەتكەرگە قاتىستى سىبايلاس جەمقورلىق ٸسٸنەن كەيٸن ٶز ەركٸمەن جۇمىستان بوساتۋ تۋرالى ٶتٸنٸشٸ قاناعاتتاندىرىلدى. قارجى مينيسترلٸگٸ لاۋازىمدى تۇلعانىڭ جۇمىستان بوساتىلۋىنا بايلانىستى تٷسٸنٸكتەمە بەردٸ, دەپ حابارلايدى قازاقپارات.
بۇعان دەيٸن جانبولات تٸلەۋلەس قول استىنداعى قىزمەتكەرلەر سىبايلاس جەمقورلىق داۋىنا ٸلٸككەننەن كەيٸن جۇمىستان شىققان بولاتىن. قارجى مينيسترلٸگٸ باتىس قازاقستان وبلىسى بويىنشا مەملەكەتتٸك كٸرٸستەر دەپارتامەنتٸنٸڭ باسشىسى بولعان جانبولات تٸلەۋلەستٸڭ 2021 جىلعى 14 قىركٷيەكتە مەملەكەتتٸك كٸرٸستەر ورگاندارىنان ٶز قالاۋى بويىنشا جۇمىستان كەتكەنٸن مەلٸم ەتتٸ. بۇعان «قازاقستان رەسپۋبليكاسىنىڭ مەملەكەتتٸك قىزمەتٸ تۋرالى» قازاقستان رەسپۋبليكاسى زاڭىنىڭ 9-بابى 15) تارماقشاسى نەگٸز بولعان.
«وسىعان بايلانىستى ٶزٸنە سەنٸپ تاپسىرىلعان بٶلٸمشەدە سىبايلاس جەمقورلىققا قارسى ٸس-قيمىلدىڭ بولماۋ فاكتٸسٸ بويىنشا ونىڭ تەرتٸپتٸك جاۋاپكەرشٸلٸگٸن قاراۋ مٷمكٸن ەمەس», - دەپ جازىلعان ۆەدومستۆونىڭ تٷسٸندٸرمەسٸندە.
ايتا كەتەيٸك, جانبولات تٸلەۋلەس بۇل جۇمىستان بوساتىلعانىمەن باسقا مەملەكەتتٸك ورگانداردا جۇمىس ٸستەي الادى.
