QR Qarjy ministri Álihan Smaiylov «Saryarqa» gaz jelisiniń qurylysyna nelikten Biryńǵai jinaqtaýshy zeinetaqy qorynan qarajat bólinetinin túsindirdi, dep habarlaidy QazAqparat tilshisi.
«Gaz jelisiniń qurylysyna «Samuryq-Qazynadan», «Báiterekten» qarajat bólingeli otyr. Sonymen qatar, oǵan Eýraziialyq damý banki men Qazaqstannyń damý bankinen zaim tartylady (...) BJZQ-dan barlyq aqsha tek naryqtyq negizde, naryqtyq stavka boiynsha bólinetinin atap ótkim keledi. Naryqtyq stavka - 12 paiyz. Bul - BJZQ-daǵy aqsha investitsiialyq kiris ákelýi úshin jasalyp otyrǵan qadam. Eger ony eshqaida investitsiialamasaq, onda ol aqshany infliatsiia «jep» qoiady», - dedi Úkimetten keiin tilshilerdiń suraǵyna jaýap bergen Álihan Smaiylov.
Aita ketsek, budan buryn Úkimet otyrysynda Energetika vitse-ministri Mahambet Dosmuhambetov magistraldy gaz jelisi qurylysynyń alǵashqy kezeńine 267 mlrd teńge jumsalatynyn, sonyń ishinde 102 mlrd teńge bankterden qaryz retinde alynatynyn, 85 mlrd teńge - BJZQ zeinetaqy aktiviniń investitsiiasy ekenin atap ótken edi.
«Saryarqa» magistraldy gaz jelisin qazir jumys istep turǵan Qyzylorda oblysyndaǵy «Beineý-Bozoi-Shymkent» gaz jelisine qosý kózdelgen.
