قر قارجى مينيسترٸ ەليحان سمايىلوۆ «سارىارقا» گاز جەلٸسٸنٸڭ قۇرىلىسىنا نەلٸكتەن بٸرىڭعاي جيناقتاۋشى زەينەتاقى قورىنان قاراجات بٶلٸنەتٸنٸن تٷسٸندٸردٸ, دەپ حابارلايدى قازاقپارات تٸلشٸسٸ.
«گاز جەلٸسٸنٸڭ قۇرىلىسىنا «سامۇرىق-قازىنادان», «بەيتەرەكتەن» قاراجات بٶلٸنگەلٸ وتىر. سونىمەن قاتار, وعان ەۋرازييالىق دامۋ بانكٸ مەن قازاقستاننىڭ دامۋ بانكٸنەن زايم تارتىلادى (...) بجزق-دان بارلىق اقشا تەك نارىقتىق نەگٸزدە, نارىقتىق ستاۆكا بويىنشا بٶلٸنەتٸنٸن اتاپ ٶتكٸم كەلەدٸ. نارىقتىق ستاۆكا - 12 پايىز. بۇل - بجزق-داعى اقشا ينۆەستيتسييالىق كٸرٸس ەكەلۋٸ ٷشٸن جاسالىپ وتىرعان قادام. ەگەر ونى ەشقايدا ينۆەستيتسييالاماساق, وندا ول اقشانى ينفلياتسييا «جەپ» قويادى», - دەدٸ ٷكٸمەتتەن كەيٸن تٸلشٸلەردٸڭ سۇراعىنا جاۋاپ بەرگەن ەليحان سمايىلوۆ.
ايتا كەتسەك, بۇدان بۇرىن ٷكٸمەت وتىرىسىندا ەنەرگەتيكا ۆيتسە-مينيسترٸ ماحامبەت دوسمۇحامبەتوۆ ماگيسترالدى گاز جەلٸسٸ قۇرىلىسىنىڭ العاشقى كەزەڭٸنە 267 ملرد تەڭگە جۇمسالاتىنىن, سونىڭ ٸشٸندە 102 ملرد تەڭگە بانكتەردەن قارىز رەتٸندە الىناتىنىن, 85 ملرد تەڭگە - بجزق زەينەتاقى اكتيۆٸنٸڭ ينۆەستيتسيياسى ەكەنٸن اتاپ ٶتكەن ەدٸ.
«سارىارقا» ماگيسترالدى گاز جەلٸسٸن قازٸر جۇمىس ٸستەپ تۇرعان قىزىلوردا وبلىسىنداعى «بەينەۋ-بوزوي-شىمكەنت» گاز جەلٸسٸنە قوسۋ كٶزدەلگەن.
