Álemge taralǵan juqpaly indet halqymyzdyń eńsesin basa almaidy. Memleket basshysy Qasym-Jomart Toqaevtyń respýblikalyq telearnalar arqyly elimizde qalyptasqan ahýalǵa bailanysty úndeýi jaily «Otandastar qory» janynan qurylǵan «Qoǵamdyq qabyldaý» komissiiasynyń múshesi, jazýshy, túrkitanýshy Qarjaýbai Sartqojauly osyndai pikir bildirdi, dep habarlaidy QazAqparat.
«Memleket basshysy Qasym-Jomart Toqaevtyń halyqqa joldaǵan úndeýin tyńdadym. Prezident bastamasyn tolyq qoldaimyn. Álemge taralǵan juqpaly indet halqymyzdyń eńsesin basa almaidy. Elimizde karantin rejimi erte engizilip, saqtyq sharalary ýaqtyly jasaldy. Dese de qazirgi ýaqytta aýrý juqtyrǵan adamdardyń sany artyp barady. Biz birlikte kúsh biriktirsek ǵana bul qiyndyqtan qutylamyz. Qazaqstan Respýblikasynyń Densaýlyq saqtaý ministrligi alǵashqy kezeńnen bastap halyqqa aqparat berip otyrdy. Ketken kemshilikterdi ýaqyt tarazylaidy», - deidi Qarjaýbai Sartqojauly.
.jpeg)