Memleket basshysynyń halyqqa revaktsinatsiia naýqanyn júrgizý jónindegi tapsyrmasy aiasynda Qazaqstannyń Qarýly Kúshterinde jeke quramdy COVID-19-ǵa qarsy qaita vaktsinatsiialaý jalǵasýda. Búgingi tańda bul protsedýradan 23 myńnan astam áskeri jáne azamattyq personal ótti, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
2022 jylǵy 11 qańtarda Parlament Májilisiniń otyrysynda Qazaqstan Prezidenti Qasym-Jomart Toqaev elimizde koronavirýs syrqatynyń kúrt óskenin atap ótken bolatyn.
– Memleket basshysy koronavirýspen kúresti jalǵastyrýdy tapsyrdy. Sonymen qatar bul mańyzdy mindetterdiń biri. Jeke quram kúndelikti qyzmette. Bizge áskeri qyzmetshilerd densaýlyǵynyń qaýipsizdigin qamtamasyz etý mańyzdy, – dep atap ótti Qorǵanys ministriniń orynbasary general-maior Muhamedjan Talasov.
Áskeri dárigerlerdiń aitýynsha, vaktsinatsiia kýrsynan ótý jáne ýaqtyly ótken revaktsinatsiia – infektsiiadan ózińdi qorǵaýdyń senimdi tásili. Qorǵanys ministrliginiń áskeri emhanalary men tirkelgen jerindegi azamattyq emdeý mekemelerinde, sondai-aq áskeri jáne azamattyq emdeý mekemeleriniń kóshpeli egý brigadalarynyń kúshterimen COVID-19 revaktsinatsiiasy uiymdastyryldy.
Tótenshe jaǵdai rejimin qamtamasyz etýge jumyldyrylǵan áskeri qyzmetshiler ornalasqan jerde meditsinalyq qamtamasyz etý uiymdastyryldy. Áskeri dárigerler jeke quramnyń densaýlyq jaǵdaiyn qadaǵalaýda.
