Nur-Sultan qalasy aýmaǵynda 6 blokbeket ornatylǵan. Tótenshe jaǵdai rejimi kezinde qalaǵa kirip-shyqqan ár adam men kólik jiti tekserilip jatyr. Osyǵan orai tekseris barysynda jolaýshylardan túrli tyiym salynǵan zattar tabylyp jatqany anyqtaldy.
Bul týraly qalalyq Politsiia departamentiniń baspasóz qyzmeti málimdep otyr, dep habarlaidy QazAqparat.
«Politseiler ásirese blokbekettegi tártipti erekshe baqylaýda ustaýda. Blokbeketter qoiylǵan sátten bastap tyiym salynǵan zattardy anyqtaý maqsatynda shamamen 50 myń avtokólik tekserildi. Onyń barysynda blokbeketterden 2 tegis uńǵyly «Saiga» myltyǵy, «RGD-5» oqý-jattyǵý granatasy, «SVvz.27» markaly tapansha, oqtan qorǵaityn kúrteshe, oq-dáriler, 11 beisbol taiaǵy, 5 rezeńke taiaq, kastetter, dýbinkalar, aerozoldik tapansha, qol kiseni jáne buryshty balonshalar tárkilendi. Barlyq faktiler boiynsha tekserý jumystary júrgizilýde», - delingen habarlamada.
Sondai-aq, departament málimetinshe, blokbekette esirtkini zańsyz saqtaýdyń 2 faktisi anyqtalǵan.
«Blokbekette avtokólik toqtatylyp, tekserý barysynda urlyq jasady degen kúdikpen 26 jastaǵy jolaýshy anyqtaldy. Buǵan deiin onyń ótken jyldyń maýsym aiynda Pavlodar qalasynda urlyq jasaǵany belgili boldy. Sondai-aq, ózge avtokóliktiń 36 jastaǵy jolaýshysy Qaraǵandy qalasynda osyǵan uqsas qylmys jasaǵany úshin ustaldy. Blokbekette ustalǵan kúdiktiler izdeý bólimshelerine tapsyryldy», - dep habarlandy qalalyq politsiiadan.
Nur-Sultan qalasynyń Politsiia departamenti turǵyndardan tótenshe jaǵdai rejimin saqtap, komendanttyq saǵat erejesin buzbaýǵa shaqyrady. Sol siiaqty zańbuzýshylyq úshin jaýapkershiliktiń baryn eske salady.
