«Qarý» is-sharasy barysynda 700-den astam atys qarýy tárkilendi. Bul týraly QR IIM Ákimshilik politsiia komitetiniń bólim bastyǵy Asylbek Ydyrysov aitty, dep habarlaidy QazAqparat.
«Qarý», «Quqyqtyq tártip» óńirlik jáne repýblikalyq jedel aldyn alý is-sharalary turaqty ótkizilip, onyń aiasynda qarý-jaraqtar men oq-dáriler zańsyz ainalymnan alynady. Sońǵy 5 jyldan 10 myńnan astam atys qarýy men oq-dári tárkilendi», - dedi ol.
Onyń atap ótýinshe, 14 mamyr men 17 maýsym aralyǵynda elimizdiń aýmaǵynda «Qarý» keń aýqymdy jedel aldyn alý is-sharasy ótkizilip jatyr.
«Qazirdiń ózinde is-shara aiasynda zańsyz saqtalǵan 700-den astam atys qarýy tárkilendi. 195 myńǵa jýyq myltyq iesi tekserildi. Onyń ishinde 5,4 myńnan astam adam tiisti erejeni buzǵany úshin ákimshilik jaýapqa tartyldy. Qabyldanǵan is-sharalardyń tiimdiligine sońǵy 5 jylda atys qarýyn qoldaný arqyly jasalatyn qylmys sanynyń 50 paiyzdan astamǵa qysqarǵany dálel bola alady. Biyl da 21 paiyzǵa azaidy», - dedi Asylbek Ydyrysov.
