QR Densaýlyq saqtaý ministrligi Qoǵamdyq densaýlyq departamentiniń direktory Maǵripa Embergenova Aqmola oblysyndaǵy qarttar úiinen shyqqan koronavirýs jaǵdaiyna qatysty málimettermen bólisti, dep habarlaidy "Ult aqparat".
«Aqmola oblystyq áleýmettik baǵdarlamalardy úilestirý jáne jumyspen qamtý basqarmasynyń «Shapaǵat» arnaýly áleýmettik qyzmetter kórsetý ortalyǵy Tselinograd aýdanyna qarasty Aqqaiyń aýylyna ornalasqan. 16 naýryzda, karantin jariialanǵan sátte bul ortalyqta qamqorlyqqa alynǵan 148 adam bolǵan.Orta jastary - 75 jasty quraidy. Qyzmet kórsetetin 74 adamnyń ishinde 51 qyzmetker eńbek demalysyna jáne qashyqtan jumys isteýge jiberilgen. Ókinishke orai, 2 sáýirde 1947 jyly dúniege kelgen, al 6 sáýirde 1929 jyly dúniege kelgen qamqorlyqqa alynǵan adam qaitys boldy», - dedi ol Ortalyq kommýnikatsiialar qyzmetindegi brifingte.
Onyń atap ótýinshe, qaza bolǵan eki adamnan da koronavirýs belgileri baiqalmaǵan. Olardyń indet juqtyrǵany qaitys bolǵannan keiin anyqtalǵan.
«Joǵaryda aitylǵan jaittarǵa bailanysty Aqmola oblystyq taýarlar men qyzmetterdiń sapasyn jáne qaýipsizdigin baqylaý departamenti sanitarlyq-epidemiologiialyq tekserý júrgizip, bailanysta bolǵan adamdar aiasy anyqtaldy, koronavirýsty anyqtaýǵa arnalǵan zerthanalyq zertteýler júrgizildi. Virýs juqtyrǵandarmen bailanysty bolýyna orai ortalyqtyń barlyq qyzmetkerlerinen synama alyndy», - dedi Maǵripa Embergenova.
