Aýyl sharýashylyǵy ministrliginiń usynysymen aqpan-sáýir aralyǵynda kartop eksport kvota boiynsha retteletin boldy, dep habarlaidy QazAqparat.
Ministrliktiń baspasóz qyzmeti usynǵan málimet boiynsha, Syrtqy saýda saiasaty jáne halyqaralyq ekonomikalyq uiymdarǵa qatysý máseleleri jónindegi vedomstvoaralyq komissiianyń otyrysynda atalmysh usynys qoldaý tapqan.
«Azyq-túlik taýarlarynyń tutyný normalary boiynsha halyqtyń qajettiligin qamtamasyz etý úshin 629,3 myń tonna kartop qajet. 2021 jylǵy kartop óndirisiniń kólemi 4mln 034,7 myń tonna bolǵan. Sáýir aiyna deiingi kezeń kartop saqtaýǵa qolaily mezgil bolǵandyqtan 144,5 myń tonna kartopty kvota boiynsha eksporttaýǵa ruqsat berilip otyr. Bul ai saiyn 48,2 myń tonna katorpty syrtqa satýǵa múmkindik beredi», - dep jazylǵan ministrliktiń málimetinde.
Degenmen vedomstvo kartopty eksporttaýshylarǵa mynadai talaptar qoiý qarastyrylýda:
- kartopty arnaiy saqtaý obektilerinde saqtalatyn kartoptyń bolýyn rastaý (kartoptyń jalpy kólemin jáne kókónis-kartop qoimasynyń mekenjaiyn kórsete otyryp);
- eksporttyq kólemge teń kartopty ishki naryqqa ótkizý boiynsha mindetteme qabyldaý;
- kartoptyń ishki satý baǵalaryn deńgeide bekitý.
«Bul rette, kartop baǵasynyń negizinen satý kezinde ósetinin atap ótemiz. Máselen, aýylsharýashylyq taýar óndirýshiler ortasha kóterme saýdada tonnasyna 120 myń teńgemen beredi. Al bólshek saýda dúkenderinde kartop baǵasy kelisine 200-220 teńge bolyp otyr. Osylaisha, QR Básekelestikti qorǵaý jáne damytý agenttigi men QR Saýda jáne integratsiia ministrligi tarapynan baǵa belgileý jáne saýda ústemelerin qatań baqylaýdy qamtamasyz etý talap etiledi», - delingen AShM málimetinde.
