Qazaqstanda kartop jetkilikti: óńirlerdiń jedel derekterine sáikes, 11 maýsymdaǵy jaǵdai boiynsha respýblikada 70 myń tonnadan astam áleýmettik mańyzy bar azyq-túlik qory bar, dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
Belgilengen tutyný normalaryna sáikes, eldegi kartop qory jarty aidan astam ýaqytqa jetedi (halyqtyń jan basyna shaqqanda jylyna 95 kg norma bolǵanda, elimizdiń halqy kúnine 4,9 myń tonna kartop tutynady).
Aita ketý kerek, bul - eldegi kartop qoryn eseptegende shaǵyn fermerlerdegi jáne halyqtyń jeke qosalqy sharýashylyqtaryndaǵy saqtalǵan kartop qorynyń negizgi kólemin (shamamen 80%) esptemegendegi kórsetkish.
Qazirgi baǵalarǵa qatysty: kúndelikti baǵa monitoringi kartopqa bólshek saýda baǵasy 138-450 teńge/kg aralyǵynda bolatynyn kórsetedi.
Búgingi tańda eń tómen baǵa Qostanai (138 tg/kg) jáne Aqtóbe oblystarynda (166 tg), al eń joǵarǵysy Nur-Sultan qalasynda (225-450 tg), SQO (320-340 tg), ShQO (335 tg) jáne Qaraǵandy oblysynda (270-310 tg) tirkelgen.
Elordalyq bazarlar men saýda nysandarynyń monitoringi búgingi kúni kartopqa degen suranys joq ekenin kórsetti.
Assortimentte byltyrǵy jylǵy da, jańa daqyldyń kartoptary da bar jáne satylyp jatyr. Sonymen qatar, taýarlardyń jetkilikti bolýyna bailanysty baǵa tómendep keledi.
Ótken jylǵy kartop sapasyna qarai, kelisi 120 teńgeden 200 teńgege deiin satylady.
Biylǵy ónim elordadaǵy «Sharyn» jáne «Shapaǵat» saýda ortalyqtarynda 280-320 teńgeden, «Evraziia», «Magným» jáne «Smoll» SOO-da kelisi 400-450 teńgeden satylady.
Ulttyq statistika biýrosynyń málimeti boiynsha, jyl basynan beri kartoptyń quny 48,6%-ǵa ósti. Bul ósim maýsymdyq sipatqa ie.
Mysaly, 2020 jyly dál osy kúni statistika organdary 46%-ǵa jýyq óskenin tirkegen.
Jaǵdaidy taldaý maýsymdyq baǵanyń ósýine deldaldar men saýda obektileriniń ústemeni kóp qosqany áser etkenin kórsetip otyr.
Aita ketý kerek, maýsym aiynan bastap ońtústik aimaqtarda erte pisetin kókónister men kartoptyń jańa ónimi jappai jinala bastady.
Munda biylǵy kartoptyń baǵasy tonnasyna 175-200 myń teńge aralyǵynda. Jaqyn arada jańa ónimderdi jetkizý naryqtaǵy baǵaǵa edáýir oń áser etýi múmkin.
Osyǵan bailanysty óńirlerdiń jergilikti atqarýshy organdaryna erte pisetin kartopty Túrkistan oblysynan satyp alý usynylady.
Biylǵy kartopty Nur-Sultan jáne Almaty qalalarynyń naryǵyna jetkizýdi uiymdastyrý úshin operator retinde «Azyq-túlik korporatsiiasy» UK» AQ-ny iske qosý qajet.
Sondai-aq, ákimdik aýyl sharýashylyǵy ónimderin qoljetimdi baǵamen jetkize otyryp, jármeńkeler uiymdastyrý usynylady.
