2020 jyldyń qańtar-qyrkúiek ailary aralyǵynda qazaqstandyqtar 23 trln teńgege 2 milliardqa jýyq qolma-qol aqshasyz operatsiialar júrgizdi. Bul ótken jyldyń osy kezeńine qaraǵanda, 2,6 ese artyq. Bul týraly QR Ulttyq bankinen habarlandy.
Bank taratqan málimetterge qaraǵanda, sáýir aiynda tótenshe jaǵdaiǵa bailanysty birqatar biznes sýbektisi jumysyn ýaqytsha toqtatty. Sol sebepti qolma-qol aqshasyz operatsiialar birshama azaidy. Biraq mamyr aiynan bastap operatsiialardyń kólemi ortasha eseppen ai saiyn 12%-ǵa ósip otyrdy. Qolma-qol aqshany sheshý operatsiialary kerisinshe azaiyp, kartochkalarmen júrgizilgen operatsiialardyń úshten bir bóliginen aspady.
Qazirdiń ózinde internet-banking pen bankterdiń mobildi qosymshalary arqyly júrgizilgen operatsiialardyń, iaǵni onlain-operatsiialardyń úlesi ulǵaiyp keledi. Eger 2019 jyldyń 9 aiynda onlain-operatsiialar úlesi 67% bolsa, biyl - 81%. Ortasha eseppen alǵanda, 9 aida onlain túrde tólem kartochkalarymen 68 milliard teńgeden asa qarjyǵa 4 million tranzaktsiia júrgizilgen.
Jyl basynan-aq mobildi banking aýditoriiasy tym belsendi boldy. Qańtar aiynda internet-bankingti belsendi qoldanatyndardyń sany 8 million bolsa, qyrkúiek aiynda ol 12 millionǵa jetti.
«Jii qoldanylatyn tólem kartochkalarynyń sany - 25 million. Bul kartochkanyń barlyǵyn ieleri qyrkúiek aiynda onlain-tólem júrgizip qana qoimai, qolma-qol aqshany sheshý úshin de qoldandy. Biylǵy 9 aida qazaqstandyq bankter 12 million tólem kartochkasyn shyǵardy», - delingen habarlamada.
